web counter
LEXO PA REKLAMA!

SHKARKO APP

App Store
Google Play

Mbanin të lidhur shqiptarët dhe i detyronin të hanin në tasat e qenve/ Arrestohen 27-vjeçari shqiptar dhe një lituanez

3 Janar 2023, 21:54, Aktualitet CNA

   Mbanin të lidhur shqiptarët dhe i detyronin të hanin në

Andi Alushi, 27 vjeç, nga Shqipëria dhe Valdemaras Kasinskas, 39 nga Lituania, kanë mbajtur peng dy persona në një shtëpi në Sheffield në maj të 2022-shit.

BBC raporton se viktimat, të cilët ishin shqiptarë, u filmuan duke ngrënë nga tasat e qenve gjatë kalvarit të tyre 10-ditor.

Alushi dhe Kasinskas u dënuan me 14 vjet e gjashtë muaj burg nga Gjykata e Sheffield Croën të ??martën.

Dyshja u arrestua pasi policia e armatosur bastisi një shtëpi në rrugën Firth Park në qytet dhe gjeti viktimat, njëri prej të cilëve kishte pësuar lëndime nga lidhja  e tij me zinxhir.

Alushi dhe Kasinskas kanë mbajtur peng këta persona për të marrë një "shpërblim të konsiderueshëm" nga anëtarët e familjes së tyre në Shqipëri, tha Shërbimi i Prokurorisë së Kurorës (CPS).

Kjo ndodhi pasi viktimat u fajësuan për gjetjen e një magazine kanabisi, tha Policia e Jorkut të Jugut.

Videot nga shtëpia treguan viktimat që ishin duke ngrënë ushqim nga kupat e qenve dhe të detyruar nga një person që mbante një hanxhar në dorë që të kërcenin.

Ngjarja u zbardh vetëm kur Kasinskas iu mburr një personi nga Lituania se do të tronditej nga video-ja që do i tregonte.

Burri, i cili nuk e njihte Kasinskas, e raportoi çështjen në polici.

“Fatmirësisht, ngjarja u zbulua dhe viktimat u shpëtuan përpara se të pësonin dëme të mëtejshme”, shtoi prokurorja e çështjes./ CNA.al

 

 

 





Lajmet e fundit nga