Marrëveshja Kuadër e Bashkëpunimit Ushtarak Shqipëri- Turqi/ Peleshi jep detaje

26 Korrik 2024, 21:14, Aktualitet CNA

Marrëveshja Kuadër e Bashkëpunimit Ushtarak Shqipëri- Turqi/

Ministri i Mbrojtjes, Niko Peleshi

Ministri i Mbrojtjes, Niko Peleshi ka folur në Kuvend për marrëveshjen Kuadër të Bashkëpunimit Ushtarak Shqipëri-Turqi.

Peleshi kujtoi se Turqia është një shtet i cili ka qenë mbështetës i Shqipërisë në rastet më të vështira si tërmeti apo pandemia nga Covid 19.

Po ashtu Peleshi përmendi mbështetjen e grantit prej 100 milionë lira turke që është aktualisht në implementim për modernizimin e Forcave të Armatosura.

Falë mbështetjes ndërshtetëore u arrit të blihen tre dronët Bajraktarë dhe flota e dronëve bajraktarë.

Peleshi tha se sot është një realitet i ri dhe marrëveshja e vjetër duhet të rinovohet, sepse Shqipëria është një vend aleat në NATO dhe duhet të jetë e shprehur qartë në marrëveshje, në çdo 30 vite edhe për shkak të legjislacionit qeverisë turke duhen bërë rifreskimet e marrëveshjeve.

“Turqia është një shtet me të cilin kemi një bashkëpunim intensiv në fushën e sigurisë mbrojtjes dhe emergjencave civile, dua të kujtojë mbështetjen që Turqia gjithmonë na ka dhënë në ditë të vështira, siç ishte rasti i tërmetit të viti 2019 apo panedemisë Covid 19.

Mbështetja e grantit prej 100 milionë lira turke është aktualisht në implementim për modernizimin e Forcave të Armatosura.

Marrëveshja ndërshtetërore në bazë të së cilës arritëm të blejmë tre dronët Bajraktarë, flotën e dronëve Bajraktarë.

Sa i takon fushës së arsimit dhe edukimit dhe trajnimit, 177 ushtarakë dhe mbi 4000 te tjerë kanë përfituar nga kurset afatshkurtra dhe afatgjata që janë zhvilluar në Turqi, por edhe në Shqipëri. Sot kemi 32 studentë, 1 specializant, 1 doktoraturë mjekësi dhe 1 doktoraturë në Marrëdhënie Ndërkombëtare.

Marrin pjesë në stërvitje të përbashkëta dhe në stërvitje në Turqi siç ishte edhe “Strong Ballkan” që u zhvillua në Shqipëri me pjesëmarrjen edhe të personelit ushtarak nga Turqia.

Jemi në angazhime të përbashkta operacione, dua të veçojë Afganistanin, ku kemi qenë sëbashku nën komandën turke deri në vitin 2021, edhe në angazhime të tjera në kuadër të Bashkimit Europian si ALTHEA në Bosnje-Hercegovinë, në KFOR jemi nën komandën e një gjenerali Turk.

Kemi zhvilluar takime të ndërsjellta të nivelit të lartë, unë kam takuar në një vizitë zyrtare homologun turk, kemi lidhur marrëveshje bashkëpunimi afatgjatë në fushën e sigurisë dhe mbrojtjes.

Në fushën e mbështetjes me trajtime mjekësore edhe në emrin tuaj edhe këtu nga kjo foltore dua të falenderoj për bashkëpunimin dhe mbështetjen, në kuadër të protokollit “Gata” e çuam nga 30 në 100 numrin e pacientëve të mbështetur nga ky protokoll.

Sa i takon bashkëpunimin në kuadër të Emergjencave Civile dua të kujtoj dhe falenderoj përsëri qëverinë Turke për 540 banesa të ndërtura në qytetin e Laçit, pas tërmetit si dhe për ndërtimin e Spitalit Rajonal të Fierit.

Nga pala jonë, sa herë na është kërkuar ne kemi jemi treguar të gatshëm për të mbështetur me ekipet e kerkim shpëtimit të Forcave të Armatosura gjatë tërmetit shkatërrues në Turqi gjatë në shkurt të vitit 2024.

Sot jemi në një realitet të ri, marrëveshja e vjetër duhet të rinovohet, sepse sëpari ne jemi një vend aleat në NATO dhe duhet të jetë e shprehur qartë në marrëveshje, në çdo 30 vite edhe për shkak të legjislacionit qeverisë turke duhen bërë rifreskimet e marrëveshjeve. Kjo është një arsye teknike ligjore që na sjell sot këtu.

Ndërkohë, mjedisi i ndryshuar i trazuar i sigurisë, patjetër me të gjithë dinamikat e veta ka nevojë të reflektohet në këtë marrëveshje.

Kemi 21 fusha bashkëpunimi, të cilat i kemi prekur këtu, përmenda grantin e rëndësishëm, stërvitjet edukimin ushtarak bashkëpunimin në fushën e mjekësisë dhe si e thashë nuk po i citoj të gjitha, janë 21 fusha bashkëpunimi të marrëveshjes ekzistuse që sot vijnë rë rinovuara në këtë marrëveshje që pret miratimin tuaj”, tha Peleshi./ CNA