web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Zgjedhor/ Gjiknuri: Në 5 qarqe, votim dhe numërim elektronik

26 Korrik 2024, 15:20, Aktualitet CNA
Ndryshimet në Kodin Zgjedhor/ Gjiknuri: Në 5 qarqe, votim dhe
Deputeti Damian Gjiknuri

Sot në Kuvend, në seancën maratonë po diskutohet për ndryshimet në Kodin Zgjedhor.

Deputeti socialist, Damian Gjiknuri është shprehur se asnjë nuk ankohet më për administrim të zgjedhjeve në Shqipëri, pasi çdo votë numërohet pasi është hedhur, çdo kuti hapet sa herë kërkohet, çdo votë skanohet dhe ruhet, çdo qendër votimi filmohet, çdo zgjedhës identifikohet me teknologji.

Gjiknuri deklaroi se, është krijuar mundësia që në 5 qarqet më të mëdha të vendit të realizohet që çdo votë të votohet dhe numërohet elektronikisht.

“Asnjë nuk ankohet më për administrim të zgjedhjeve në Shqipëri, pasi çdo votë numërohet pasi është hedhur, çdo kuti hapet sa herë kërkohet, çdo votë skanohet dhe ruhet, çdo qendër votimi filmohet, çdo zgjedhës identifikohet me teknologji. Dhe mundësia është që në 5 qarqet më të mëdha të vendit të realizohet që çdo votë të votohet dhe numërohet elektronikisht.

Ky është vullneti i mazhorancës. Një dekadë më parë disa deputetë këtu futeshin në grevë urie për një kërkesë fare të thjeshtë, të shihnin votën e tyre. Kohët ndryshojnë dhe patjetër me të edhe njerëzit.

Por një gjë nuk po ndryshon, kultura e pranimit të humbjes e cila mban peng jetën politike në vend dhe na bën ne t’i kthehemi kësaj teme me reforma apo quazi reforma të ashtuquajtura elektorale. A do të jetë e fundit? S’di ta them. është si t’i besoj më shumë shpresës se sa arsyes. Por le të jetë votimi i sotëm një hap drejt shpresës”, u shpreh Gjiknuri./ CNA





Lajmet e fundit nga