web counter
LEXO PA REKLAMA!

SHKARKO APP

App Store
Google Play

Justifikohet Bylykbashi/ “Marrëveshja u arrit në maksimumin e lejuar nga mazhoranca”

25 Korrik 2024, 22:40, Aktualitet CNA
Justifikohet Bylykbashi/ “Marrëveshja u arrit në maksimumin e
Nënkryetari i PD, Oerd Bylykbashi

Nënkryetari i PD, Oerd Bylykbashi ka komentuar marrëveshjen mes PS-së dhe PD-së për ndryshimet në Kodin Zgjedhor.

Sipas Bylykbashit politika duhet të ndryshojë deri në themel sistemin. Bylykbashi u shpreh se kjo marrëveshje ka prishur shumë llogari, duke u hedhur pragu zgjedhor për kandidatët e pavarur.

Ai u justifikua duke thënë se marrëveshja u arrit për aq sa mund të pranonte PS pasi ajo ka shumicën e votave në Kuvend për ta miratuar.

Gjatë një interviste, Bylykbashi u shpreh se arritja më e madhe është vota e emigrantëve.

 “Rama bllokoi reformën. Ajo që u dakordësua në Komisionin e Ligjeve nuk u arrit në Reformën Zgjedhore. Nuk u votuan rekomandimet e OSBE-ODIHR.  Në marrëveshje u arrit diçka. Është ndërhyrje nga Gjykata Kushtetuese, korrigjim që u prodhua më 2020. Politika duhet ta ndryshojë në themel këtë sistem, atë që socialistët bënë më 2020 me Kodin Zgjedhor. Është detyrim për të zbatuar vendimin e Gjykatës Kushtetuese. Kjo marrëveshje ka prishur shumë llogari.

Është hedhur pragu zgjedhor për kandidatët e pavarur. Na duhet të vazhdojmë më tej për të ndryshuar Kodin Zgjedhor. Kodi zgjedhor ndryshon me 84 vota, opozita nuk i ka, PS po. Dhe ata pranonin deri këtu.Kanë ikur katër vjet, dhe ne jemi në kufijtë e kohës për votën e diasporës. Ajo që propozoi opozita, vota nga jashtë Shqipërisë.

Votën e emigrantëve e kemi llogaritur nga qarku nga ai vjen, s’ka rëndësi për çdo kategori që është jashtë vendit, që jeton e punon atje, me studime apo për kurim.... Është hapja maksimale e të drejtës së votës. Sa më shumë shqiptarë të regjistrohen, aq më mirë, pasi ato janë votat më të lira, sepse në Shqipëri votat blihen me para dhe janë nën presion e politikës”, tha Bylykbashi./ CNA





Lajmet e fundit nga