web counter
LEXO PA REKLAMA!

SHKARKO APP

App Store
Google Play

E fundit!

x

“Bashkia Tiranë ka një aplikacion për patronazhimin”/ Deputetja e PD-së: E kishin të gjithë drejtorët e 5D

25 Korrik 2024, 18:29, Aktualitet CNA
“Bashkia Tiranë ka një aplikacion për patronazhimin”/
Deputetja e PD-së, Albana Vokshi

Deputetja e PD-së, Albana Vokshi gjatë fjalës së saj në Kuvend ka folur për patronazhistët si dhe ka ngritur zërin duke thënë se punonjësit e administratës nuk janë të lirë të aderojnë në partinë që duan apo të votojnë kë të duan, pasi është një sistem i tërë patronazhistësh që i monitoron në rrjetet sociale, që i detyron të bëjnë like dhe share postimeve partisë, që i kërcënon, i shantazhon. 

Ndër të tjera Vokshi tha se edhe në Bashki ka patur një aplikacion për patronazhimin dhe këtë aplikacion e kishin të gjithë drejtorët e 5D, të cilët merreshin 24 orë me të gjithë punonjësit.

“Ke pasur nga administrata publike patronazhistë që 24 orë që ishin duke shanatzhuar, kontrolluar dhe dhunuar votuesin. Çdo orë të ditës patronazhisti punon për PS. Çdo orë bëhen share dhe like për aktivitetet politike. Edhe gjatë orareve të punës u thuhet bëni share dhe like.

Nëpunësit civil që guxojnë të vijnë në aktivitetet që unë bëj në lagjen 11 të nesërmen largohen, kërcënohen, shnatazhohen. Nuk është i lirë nëpunësi i administratës të zgjedhë partinë që do të aderojë. Është i detyruar nga ministry, zv.kryeministri dhe kryeministri. Nuk i keni lënë të lirë. Keni ngritur një sistem monstruoz. Shkoni te Bashkia Tiranë ka një aplikacion për patronazhimin e kishin gjithë drejtorët e 5D para fushatës zgjedhore. Merreshin 24 orë me këtë aplikacion.

Po i mohoni të drejtën themelore për të votuar të lirë dhe ndershëm. Nëse nuk kemi të drejtën për të votuar çdo gjë tjetër është iluzion.

Nëse nuk do zgjidhet sistemi i patronazhistit nuk ka zgjedhje të lira dhe të ndershme”, tha Vokshi./ CNA





Lajmet e fundit nga