Lëvizja e socialistëve për zgjatjen e mandatit të Gjinushit/ Zhupa: Po tentojnë të shkelin me këmbë ligjin

19 Korrik 2023, 10:29, Aktualitet CNA

Lëvizja e socialistëve për zgjatjen e mandatit të Gjinushit/

Deputetja e PD-së, Ina Zhupa

Deputetja e PD-së, Ina Zhupa ka reaguar në lidhje me lëvizjen e deputetëve Petro Koçi dhe Ismet Beqiraj që ka si qëllim zgjatjen e mandatit të Skënder Gjinushit në krye të Akademisë së Shkencave.

Me anë të një shkrimi në rrjetet sociale, Zhupa pretendon se deputetët Koçi dhe Beqiraj të presionuar nga Skënder Gjinushi, kërkojnë ta kthejnë kuvendin në shkelës të ligjit, si noter i ambicieve klaniste.

Zhupa ka theksuar që ky votim i kërkuar nga socialistët nuk mund të bëhet pasi sipas saj relacioni është i pasaktë dhe me mashtrime dhe se projektligji vjen hapur në konflikt interesi dhe se, propozuesi është Gjinushi.

“E paprecedentë! Gjinusho-deputetët, tentojnë të shkelin me këmbë ligjin dhe rregulloren!

Sot Skënder Gjinushit i mbaron mandati në krye të akademisë dhe me pirueta pushteti do të siguroj një të dytë antikushtetues.

Që dje deputetët Petro Koçi dhe Ismet Beqiraj të presionuar nga kryetari pa mandat Skënder Gjinushi, të vënë pas murit nga interesat e tij kërkojnë ta kthejnë kuvendin në shkelës të ligjit, si noter i ambicieve klaniste.

Me një kërkesë të paprotokolluar, të pa arsyetuar nuk mund të mblidhemi jashtë programit të komisionit, tentojnë ti shkatërrojnë parlamentarizmin.

Kërkojnë votim të një projektligji sot në orën 11:00, pa diskutime!

Votim smund të ketë kur

1- Relacioni është i pasaktë dhe me mashtrime.

2- Projektligji vjen hapur në konflikt interesi, ku bashkë propozuesi Gjinushi, e kërkon për mandatin e tij

3- Akademia e Shkencave hyn në zgjedhje sipas statutit me mbarimin e mandatit të kryetarit.

4- Ka 3 kërkesa proceduriale në organet e kuvendit për këtë çështje.

5- Ska një sqarim shterues mbi peticionin e 52 akademikëve, na sillet për një vendim të 2022, dhe sot jemi në kushtet të tjera të zgjedhjeve në akademi. Duhet një dëgjesë me ta.

Ne jemi deputet që duhet të na shqetësojnë hallet e qytetarëve dhe jo hallet e karrierës 30 e ca vjecare të ish ministrit të diktaturës.

Ndaloni palacollëkun dhe maskarallëkun!

Respektoni rregulloren dhe ligjet. Paguheni nga taksat e qytetarëve, jo nga borderoja e Gjinushit!”-shkruan Zhupa./ CNA