“Legjislacioni mbi partitë, jofunksional”/ ISP: Koha për reformë të thellë

14 Korrik 2022, 19:56, Aktualitet CNA

“Legjislacioni mbi partitë, jofunksional”/ ISP: Koha për

Foto ilustruese

Institucioni i Studimeve Politike, përmes një studimi tregon se Shqipëria ka një regjistër aktiv të partive politike, shumica e të cilave nuk janë funksionale, nuk kanë pjesëmarrje në proceset zgjedhore dhe nuk plotësojnë asnjë prej funksioneve të partive politike dhe as kushteve të ekzistencës së tyre.

ISP thekson se bazuar në monitorimin dhe analizën juridike të ekspertëve, legjislacioni mbi partitë është i vjetër, jofunksional, i bazuar në një realitet tjetër politik dhe pengues për transparencën dhe llogaridhënien e partive politike.

ISP beson se një sistem partiak me integritet bazohet në legjislacion me integritet, në transparencë dhe llogaridhënie, ndërsa nënvizon se është koha për reformë të thellë profesionale dhe afatgjatë në legjislacionin e partive politike.

“Partite politike jane elementi jetesor per ekzistencen e pluralizmit dhe nje demokracie konkurruese, por partite fiktive politike jane element thelbesor i deformimit te sistemit politik, te pluralizmit dhe te demokracise.

Shqiperia ka nje regjister aktiv te partive politike, shumica e te cilave nuk jane funksionale, nuk kane pjesemarrje ne proceset zgjedhore dhe nuk plotesojne pothuajse asnje prej funksioneve te partive politike dhe as kushteve te ekzistences se tyre.

Bazuar ne monitorimin dhe analizen juridike te eksperteve te ISP, legjislacioni mbi partite eshte i vjeter, jo funksional, i bazuar ne nje realitet tjeter politik dhe pengues per transparencen dhe llogaridhenien e partive politike. Shumica e vendeve europiane kane regjister publik te partive, i cili perditesohet cdo vit me depozitimin e dokumenteve baze dhe verifikimin e tyre nga nje institucion pergjegjes, tri standarde qe nuk aplikohen ne rastin shqiptar. Fiktiviteti i partive ka çuar ne fiktivitet te perfaqesimit ne parlament dhe ne fiktivitet te grupeve parlamentare, fiktivitet ne financimin elektoral dhe posedimin e selive shteterore dhuruar partive politike, si dhe ne trafikim te partive dhe logove te tyre ne prag te fushatave elektorale.

ISP beson se nje sistem partiak me integritet bazohet ne legjislacion me integritet, ne transparence dhe llogaridhenie. Kushtetuta e RSH, neni 9 e thekson parimin e lirise, funksionimit demokratik dhe transparences, parime qe vijne ndesh me realitetin aktual te partive politike.

Koha per reforme te thelle, profesionale dhe afatgjate ne legjislacionin e partive politike!”, shkruan ISP./ CNA.al