LEXO PA REKLAMA!

SHKARKO APP

App Store
Google Play

E fundit!

x

“Kur drejtësinë e bën 'Kadiu'…"/ Lubonja, për tragjedinë në Himarë: Askush nuk e ka frikë ligjin

3 Gusht 2022, 18:38, Aktualitet CNA
“Kur drejtësinë e bën 'Kadiu'…"/
Fatos Lubonja

Analisti Fatos Lubonja ka komentuar reagimin e kryeministrit Rama mbi ngjarjen e rëndë në Himarë.

I ftuar në rubrikën “Opinion” Lubonja tha se kreu i qeverisë sulmon opozitën dhe mediat, pasi nuk i pëlqen ajo që ato i vënë në duke.

“Është në natyrën e tij dhe kulturën tonë thyerja e pasqyrës. Meqë në fillim kemi thënë që opozita e media është pasqyra që shohim veten e ti respektosh si pushtete të ndara, kur gjithçka e ndërton me propagandë e gënjeshtër, nuk i do pasqyrat, do thyesh pasqyrën.

Opozita e ka përdorur për qëllimet e veta politike, por shih problemin ku e ke. Si ka mundësi që të fortët kanë kapur gjithçka dhe raportin që ke me ta, i ke përdorur për votat, i lufton dot apo jo.

Pastaj kapet me Metën e Saliun.
Ajo që më shqetëson është se nuk ka reflektim. “Krimi mbjell krimin”, kur bën krim kërkon ta mbulosh e do bësh krim tjetër. Më shqetësuese është që është kapur edhe drejtësia, e cila nuk vepron e nuk të jep garanci. Kur drejtësinë e bën “Kadiu”…

Ky person ka hyrë në një zonë që nuk duhet të hyjë sepse ai vetë e di se është polic.

Ti duhet ta dish që nuk mund të hysh me një skaf të tillë në një zonë ku ka plazhistë edhe nëse nuk ka pasur shënjestrues.

Meqë ky e di ligjin e shkel sepse nuk ka frikë nga ligji, se thotë kam bërë për këë parti e këtë pushtet. Ky është problem i madh. Drejtësia duhet të veprojë që këtyre njerëzve të mos u japë këtë guxim”, u shpreh Lubonja.

Ai ka nënvizuar edhe faktin se brenda qeverisë dhe Partisë Socialiste nuk ka reagim në lidhje me gjërat që bëhen gabim dhe që duhen ndryshuar.

“Është një problem i madh sepse presim nga opozita. pastaj themi në opozitë është Saliu e Meta që janë kështu e ashtu. Po mirë ti ke një ndërgjegje që kjo që po bën ky kryeministër apo ministër nuk qendron e pse duhet të hesht sepse kjo është demokracia në një parti. Këtu nuk ka as minimumin e një disidence brenda.

Si ka mundësi, s’paska asgjë për të kritikuar këtu? Qoftë edhe intelektualë që janë me PS që kanë kritikuar Ramën? Është krijuar uniteti i partisë rreth popullit e kush del kundër është armik. kanë hallin e pushtetit e interesave, nuk kanë shkuar aty për ti shërbyer popullit, por për interesat e tyre që kanë frikë se i humbasin po folën. Flet ndonjëherë Braçja, por duhet të kishte oponencë brenda partisë. Boris Johnson e rrëzoi qeveria e tij pasi bëri një festë në kohën e pandemisë.

Mendo se do të ishte e njëjta nëse do të kishte vepruar Rama njëlloj? Brenda partisë nuk ka më asnjë zë.
Ky është drejt putinizmit, me rreziqet që mban, sepse pushteti duhet kontrolluar nga forcat e tjera ndryshe nuk jemi në demokraci”, tha ai./CNA.al

 

Lajmet e fundit nga