web counter
LEXO PA REKLAMA!

SHKARKO APP

E fundit!

x

Kultivonin kanabis në Spanjë, shkatërrohet grupi kriminal/ Pjesë e tij edhe shqiptarë

28 Dhjetor 2023, 11:50, Aktualitet CNA
Kultivonin kanabis në Spanjë, shkatërrohet grupi kriminal/
Foto ilustruese

Policia spanjolle ka goditur një organizatë kriminale pjesë e së cilës kanë qenë edhe shqiptarë.

Operacioni në fjalë u kodua ‘Llinas’ dhe arriti të arrestonte 5 anëtarët e dyshuar të rrjetit dhe tre prej tyre janë burgosur.

Hetimi filloi në nëntor 2022, si rezultat i grumbullimit, analizës dhe raporteve në lidhje me trafikun e drogës dhe krimin.

Anëtarët e grupit kishin marrë me qira një shtëpi të izoluar rurale ku do të zhvillohej kultivimi i marijuanës në ambiente të mbyllura. Shtëpia ishte lidhur ilegalisht në rrjetin elektrik. Dy anëtarë të organizatës qëndronin në këtë shtëpi dhe thuhet se ishin të përkushtuar në kultivimin dhe mbikëqyrjen e bimëve.

Ky rrjet mbante kontakte të shpeshta me organizata të tjera kriminale në provincat fqinje si Sevilja dhe Cádiz, duke u zhvendosur gjithashtu në Zaragoza dhe Madrid dhe në jug të Portugalisë. Në dy kontrollet e kryera në qytetet Alhaurín el Grande dhe Marbella, ku banonte kreu i dyshuar i organizatës kriminale dhe pronari i agjencisë së makinave me qira, u sekuestruan 148 kilogramë marijuanë, 2040 euro cash dhe disa automjete./ CNA





Lajmet e fundit nga