web counter
LEXO PA REKLAMA!

SHKARKO APP

App Store
Google Play

E fundit!

x

Kryepiskopi Joan, vizitë zyrtare në Shkodër më 21 dhjetor

9 Dhjetor 2025, 21:20, Aktualitet CNA

Kryepiskopi Joan, vizitë zyrtare në Shkodër më 21 dhjetor

Shkodra do të jetë më 21 dhjetor në qendër të vëmendjes së Kishës Ortodokse! Burime për CNA bëjnë me dije se Kryepiskopi i Tiranës, Durrësit dhe i gjithë Shqipërisë, Joan, pritet të zhvillojë vizitën e tij të parë zyrtare në qytetin verior.

Vizita konsiderohet historike dhe me rëndësi të veçantë jo vetëm për besimtarët ortodoksë të zonës, por edhe për vetë drejtuesin më të lartë të Kishës Ortodokse Autoqefale të Shqipërisë.

Sipas axhendës së konfirmuar, Kryepiskopi Joan do ta nisë ditën me një ndalesë në Kishën Ortodokse të Shkodrës, ku do të pritet nga kleri dhe besimtarët lokalë.

Më pas, Kryepiskopi Joan do të vizitojë Bashkinë e Shkodrës, ku do të zhvillojë një takim me drejtuesit vendorë. Pjesë e diskutimeve pritet të jetë edhe çështja e pronave ku kisha disa herë ka reaguar veçanërisht për truallin në të cilën po ndërtohet kulla në qendër të qytetit.

Vizita do të vijojë me takime në komunitetet e tjera fetare të qytetit, katolik dhe mysliman. /CNA





Lajmet e fundit nga