Avokati i Popullit/ Berisha: Ne tërhiqemi totalisht nga procesi i zgjedhjes, mazhoranca bëri lojë të turpshme

9 Dhjetor 2025, 13:52, Aktualitet CNA

Avokati i Popullit/ Berisha: Ne tërhiqemi totalisht nga procesi i

Kreu i PD-së, Sali Berisha, në një deklaratë për mediat është shprehur se opozita është tërhequr totalisht nga procesi i zgjedhjes së Avokatit të Popullit.

Sipas Berishës, mazhoranca bëri një lojë të turpshme. Ai theksoi se opozita ka tërhequr të gjitha firmat për të gjitha kandidaturat e tjera, përveç kandidaturave të përzgjedhura vetë, të cilat janë Besim Ndregjoni, Adriana Kalaja, Jola Hysaj, Aranita Brahaj, Haluci, Dardan Mustafa.

Lideri i opozitës tha se ata kanë futur kandidaturën e tyre që është Endri Shabani dhe sipas tij ky është një turp.

“Narko-mazhoranca ka bërë një lojë të turpshme me këtë, por ne e kemi ndjekur. Ne kemi qenë të bindur në intrigat dhe banalitetin e tyre. Në qoftë se ju kujtohet, në një nga ditët, po këtu, Taulant Toyota Yaris, me shumë mbiemra, informoi se atë ia kemi lënë opozitës dhe unë ju thashë juve se ata do pendohen.

Dhe tani tregojnë se u penduan. Mund të imagjinoni këtë? Opozita ka tërhequr të gjitha firmat për të gjitha kandidaturat e tjera, përveç kandidaturave të përzgjedhura vetë, të cilat janë Besim Ndregjoni, Adriana Kalaja, Jola Hysaj, Aranita Brahaj, Haluci, Dardan Mustafa.

Këta janë kandidaturat tona. Tani çfarë bënë sot? Sot futën kandidaturën e tyre, i cili në kuadrin e 27 kandidaturave, kishte marrë firmat. Por ne i tërhoqëm firmat.

Dhe Ulsi Manja me Taon thonë se nuk njohim tërheqjen e firmave, arrijnë gjer në këtë deklaratë të turpshme për të nxjerrë atë që thotë Edi Rama.

Kështu që ne tërhiqemi totalisht nga procesi. Ne nuk jemi më palë në procesin e zgjedhjes së Avokatit të Popullit. Kjo është një histori e turpshme e Edi Ramës, që u përpoq, por ne absolutisht në një farsë nuk marrim pjesë. Në qoftë se ia lënë PD-së, ne u treguam të arsyeshëm, ne nuk thamë ose ky, ose asnjë tjetër.

Ne paraqitëm disa kandidatura, ata shtuan kandidaturën e tyre.

Është Endri Shabani. PD tërhiqet nga procesi. PD nuk merr pjesë në proces. Ky është një turp i tyre. Para katër ditësh siç e dini ju deklaruan se ia lamë opozitës, ia lamë PD-së, dhe tani thonë nuk njohim tërheqjen e firmave. Firmat janë të tërhequra dhe ne nuk marrim pjesë në proces...”, tha Berisha./ CNA