web counter
LEXO PA REKLAMA!

SHKARKO APP

App Store
Google Play

E fundit!

x

Konsultime me qytetarët e Tiranës për buxhetin/ Zhulali: Me mungesën e Veliajt u ça dhe “muri i rrethimit”

9 Dhjetor 2025, 20:35, Aktualitet CNA

Konsultime me qytetarët e Tiranës për buxhetin/ Zhulali: Me

Këshilltarja bashkiake e opozitës, Ilda Zhulali deklaroi sot se do të nisin konsultimet me qytetarët për buxhetin. E ftuar në Syri Tv, Zhulali tha se pas dy vitesh refuzimi, kërkesa e opozitës për të zhvilluar këto konsultime u pranua.

 Sipas saj kjo u bë e mundur edhe prej mungesës së kryebashkiakut Erion Veliaj. Ajo bëri po ashtu me dije se do të zhvillohen tre seanca konsultimesh me banorët e Tiranës, dhe dy prej tyre do të jenë nesër.

“Askush në Tiranë nuk e mban mend se kur ka qenë takimi i fundit i mirëfilltë që ka pasur një konsultim mes banorëve, punonjësve të bashkisë Tiranë dhe pjesëmarrjen e Këshillit Bashkiak për këtë çështje të rëndësishme siç është mënyra se si shpenzohen taksat që ata paguajnë. Kërkesa e përsëritur e jona që na ishte refuzuar prej dy vitesh për të zhvilluar këto konsultime, mesa duket me mungesën e Erion Veliajt u ça dhe muri i rrethimit dhe kjo u bë e mundur. Do të zhvillojmë tre seanca konsultimesh me banorët dhe disa grupe interesi. Nesër do të jetë takimi i parë në orën 16:00 në ambjentet e bashkisë me familjet e prekura nga tërmeti i 2019. Nesër do të zhvillohet edhe një  takim tjetër me bizneset, se janë taksapaguesit më të mëdhenj të qytetit të Tiranës. Por kemi parë se ata kanë problematika nga më të ndryshmet,  përfshirë gjoba të majme. Aksioni për lirimin e hapësirave publike i dëmtoi bizneset, u shkurtua stafi dhe kështu shkaktoi rritjen e papunësisë në qytet”, tha Zhulali ndër të tjera. /CNA





Lajmet e fundit nga