web counter
LEXO PA REKLAMA!

SHKARKO APP

App Store
Google Play

Konferenca e Kryetarëve/ Miratohet ngritja e nënkomisionit për Auditimin e Sektorit Publik

18 Nëntor 2025, 12:07, Aktualitet CNA

Konferenca e Kryetarëve/ Miratohet ngritja e nënkomisionit për

Ditën e sotme është zhvilluar mbledhja e Konferencës së Kryetarëve. Në seancën e sotme ishin në rend katër pika, ku dy u miratuan dhe për dy të tjera nuk u arrit mirëkuptim.

Dy pikat e miratuara ishin ngritja e nënkomisionit për Auditimin e Sektorit Publik pranë Komisionit për Ekonominë, Punësimin dhe Financat dhe zhvillimi i një mocioni me debat për luftën ndaj krimit të organizuar më 18 dhjetor.

Ndërkohë nuk u miratuan pika e parë dhe e dytë e rendit të ditës, të cilat ishin shqyrtimi i projektprogramit të punës së Kuvendit për periudhën 1 dhjetor-26 dhjetor 2025 dhe shqyrtimi i projektkalendarit të punimeve të Kuvendit për periudhën 1 dhjetor-19 dhjetor 2025.

Njoftimi i plotë i Kuvendit:

Pika e parë dhe e dytë e rendit të ditës ishin shqyrtimi i projektprogramit të punës së Kuvendit për periudhën 1 Dhjetor-26 Dhjetor 2025 dhe shqyrtimi i projektkalendarit të punimeve të Kuvendit për periudhën 1 Dhjetor-19 Dhjetor 2025.

Pas diskutimeve, Konferenca e Kryetarëve nuk arriti mirëkuptim dhe çështja i kaloi seancës plenare.

Pika e tretë e rendit të ditës ishte shqyrtimi i kërkesës së Kryetarit të Komisionit të përhershëm për Ekonominë, Punësimin dhe Financat, “Për ngritjen e nënkomisionit për Auditimin e Sektorit Publik” pranë Komisionit për Ekonominë, Punësimin dhe Financat.  

Pas diskutimeve, Konferenca e Kryetarëve miratoi kërkesën në fjalë.

Pika e katërt e rendit të ditës ishte shqyrtimi i kërkesës së një grupi deputetësh të Grupit Parlamentar të Partisë Demokratike për zhvillim të mocionit me debat “Për masat e marra nga Qeveria për luftën me tolerancë zero ndaj krimit të organizuar”.   

Pas diskutimeve, Konferenca e Kryetarëve me mirëkuptim vendosi që mocioni me debat të zhvillohet në senacën plenare të datës 18 Dhjetor dhe koha e debatit do të jetë 120 minuta. /CNA





Lajmet e fundit nga