web counter
LEXO PA REKLAMA!

SHKARKO APP

App Store
Google Play

E fundit!

x

"Keqardhje e trishtim"/ Politika shpreh ngushëllimet për ndarjen nga jeta të Artur Zhejit

23 Gusht 2025, 19:03, Aktualitet CNA

"Keqardhje e trishtim"/ Politika shpreh ngushëllimet për

Ndarja nga jeta e analistit dhe publicistit, Artur Zheji ka sjellë reagime të shumta dhe nga radhët e politikës.

Mes personave që kanë reaguar ka qenë dhe ministri për Marrëdhëniet me Parlamentin, Taulant Balla.

Me anë të një statusi në rrjetet sociale, Balla thotë se është shumë i trishtë lajmi për ndarjen nga jeta të Artur Zhejit.

“Shumë, shumë i trishtë lajmi për ndarjen e parakohshme të gazetarit Artur Zheji. U prehsh në paqe mik”, shkruan Balla.

 

Po ashtu për shuarjen e Artur Zhejit, ka reaguar dhe Tritan Shehu.

Me anë të një postimi, Shehu shpreh keqardhje dhe trishtim për ndarjen nga jeta të Artur Zhejit.

Shehu e quan Zhejin një gazetar korrekt dhe qytetar njerëzor.

“Keqardhje e trishtim për humbjen e Artur Zhejit! Gazetar korrekt, qytetar njerëzor në tiparet e sjelljet e tij. Miqësor e tolerant! Ngushellimet më të sinqerta familjes së tij, gazetarisë shqiptare, publikut të gjerë, miqve, të gjithëve. Do ta kujtojmë si një model”, shkruan Shehu.

 

Kreu i Partisë së Lirisë, ilir Meta ka reaguar gjithashtu për ndarjen nga jeta të Artur Zhejit.

Meta thotë se është një trishtim i madh kur një mik humbet jetën në mënyrë të papritur dhe shprehet se humbja e Zhejit është e pazëvendësueshme.

Kreu i PL e vlerëson Zhejin si një intelektual të angazhuar në mbrojtje të pavarësisë së medias.

“Me pikëllim të madh mora lajmin për ndarjen e parakohëshme nga jeta të gazetarit profesionist dhe analistit brilant, Artur Zheji.

Një intelektual i angazhuar, veçanërisht në mbrojtje të pavarësisë së medias, vlerave të lirisë dhe parimeve të shtetit të së drejtës, Zheji udhëhoqi edhe si bashkëkryetar Komitetin për Mbrojtjen e Kushtetutës, duke dhënë një kontribut të paharruar politik e shoqëror që përherë do të vlerësohet me respekt.

Është trishtim i madh kur një mik dhe një profesionist si ai humbet jetën në mënyrë kaq të papritur dhe në kulmin e pjekurisë jetësore dhe profesionale.

Një humbje e madhe dhe e pazëvendësueshme, jo vetëm për familjen e tij, por edhe për komunitetin e gazetarëve, me të cilët ndaj ngushëllimet e mia më të sinqerta!

I paharruar kujtimi i Tij! Të prehet në paqen e merituar”, shprehet Meta./ CNA





Lajmet e fundit nga