"Ka lënë gjurmë shumë të bukura në këngën tonë"/ Bashkim Alibali dhe Zhani Ciko, vlerësime për karrierën e Bleona Qeretit

7 Qershor 2026, 17:04, Aktualitet CNA

"Ka lënë gjurmë shumë të bukura në

Festivali i Pranverës është rikthyer, pas një mungesë shumë të gjatë, në Teatrin Kombëtar të Operës dhe Baletit. Nata e parë dhe e dytë e festivalit moderohet nga dy figura të njohura të artit shqiptar, aktori Nik Xhelilaj dhe këngëtarja, Bleona Qereti.

Gjatë natës së parë ,këngëtari dhe fituesi i parë i këtij festivali, Bashkim Alibali ka shprehur vlerësim të madh për karrierën e Bleona Qeretit. Alibali u shpreh se këngëtarja me artin e saj ka lënë gjurmë shumë të bukura në këngën shqiptare. Ai uroi dhe ditëlindjen e babait të Bleona Qeretit e cila përkonte në një ditë me natën e parë të festivalit.

Nik Xhelilaj, Bashkim Alibali, Bleona Qereti

“Uroj që babai të shekullohet me shëndet e të gjitha. Bleonën e njoh qëkur ka qenë shumë e vogël. E kam ndjekur edhe në këtë skenë dhe mendoj se ka lënë gjurmë shumë të bukura në këngën tonë”, u shpreh Alibali.

Një tjetër personalitet i njohur i muzikës shqiptare i cili u ngjit mbrëmë në skenën e festivalit ka shprehur vlerësimet e tij të larta për punën e palodhur të këngëtares, e cila ka nisur që në moshë shumë të re.

Dirigjenti i njohur Zhani Ciko, gjatë fjalës së tij në skenë, krahas Qerretit dhe Xhelilajt, rikujtoi festivalet e zhvilluara në qytete të ndryshme. Ciko u shpreh se edhe pse në moshë shumë të vogël, arti i Qerretit pritet me duartrokitje të zjarrta dhe shumë entuziazëm nga rinia e atyre viteve.

Nik Xhelilaj, Zhani Ciko, Bleona Qereti

“Ka dalë në skenë shpejt, në moshë të vogël. Sot u gëzova që ishte dhe datëlindja e babait tuaj dhe më kujtohet kur vinte bashkë me në të gjitha udhëtimet e koncertetë të stinëve që i quanim atëherë. Sepse pas viteve ’90 jeta në qytetet për një moment ishte paralizuar dhe ne menduam që ta çojë koncertin atje. Këtë ish-koncertin e pranverës ta bëjë koncertin e stinës dhe ne çonim kudo. Nuk e harroj si tani gëzimin e rinisë në Peshkopi kur Bleona dilte nga restoranti dhe shkonte te skena dhe duartrokitjet ishin frenetike. Pastaj në Tetovë kur kemi shkuar ditën që u përurua Universiteti i Tetovës dhe ne hapëm stadiumin dhe prezantuam koncertin me rininë tetovare që gëzonte lirinë e një universiteti që do ta ngrinte lart kulturën e këtij vendi shqipdashës. Kemi kujtime shumë”, u shpreh Ciko.

Këngëtarja falenderoi Cikon për fjalët, ndërsa theksoi se formimi i saj artistik ka ardhur edhe nga figura shumë të vlerësuara si ai.

“Akoma nuk arrij ta besoj që jemi sot këtu, pas 30 vjetësh. Unë kam këtë formim artistik nga profesorët si ju. Kam respektin maksimal”, u shpreh Qereti. /CNA