web counter
LEXO PA REKLAMA!

SHKARKO APP

App Store
Google Play

E fundit!

x

Emrat/ Kush pritet të marrë drejtimin e policisë në Tiranë, Durrës, Fier, Lezhë, Kukës dhe Vlorë

6 Qershor 2026, 11:24, Aktualitet CNA

Emrat/ Kush pritet të marrë drejtimin e policisë në

Mbyllet procesi i vlerësimit për kandidatët që synojnë të marrin drejtimin e drejtorive vendore të Policisë së Shtetit në qarqet Tiranë, Durrës, Fier, Kukës dhe Lezhë, ndërkohë është dhe vakanca në Vlorë pas shkarkimit nga detyra të Elidon Çelës.

 

Sipas renditjes, i pari renditet Adriatik Tafçiu me 86 pikë, aktualisht në pozicionin si Këshilltar në Drejtorinë e Përgjithshme të Policisë së Shtetit dhe pritet të marrë emërimin për drejtimin e Policisë së Tiranës.

 

Në vendin e dytë renditet Ervin Hodaj me 85 pikë, aktualisht drejtor i komanduar në Durrës, pritet të marrë drejtimin e kësaj DVP-je.

 

Edvin Ndreu renditet me 84 pikë, aktualisht i komanduar në drejtorinë e policisë në Vlorë, pritet të marrë detyrën e drejtorit të DVP Vlorë.

 

Erion Ahmeti, aktualisht është drejtor i komanduar në Fier, dhe pritet të marrë detyrën.

 

Kandidatët e tjerë të renditur janë në start për lëvizjet e reja që mund të bëhen nga kreu i Policisë së Shtetit Skënder Hita në drejtoritë e qarqeve./ CNA





Lajmet e fundit nga