web counter
LEXO PA REKLAMA!

SHKARKO APP

App Store
Google Play

E fundit!

x

Infektimet me HIV-AIDS/ Korça, qarku pa asnjë rast të ri të infektuarish

1 Dhjetor 2023, 14:48, Aktualitet CNA

 

Infektimet me HIV-AIDS/ Korça, qarku pa asnjë rast të ri
Nertila Sterjo

Korça mbetet qarku pa asnjë rast të ri të infektuarish me HIV/AIDS dhe sëmundje seksualisht të transmetueshme. Kjo bëhet e ditur nga punonjësja sociale në Njësinë Vendore të Kujdesit Shëndetësor në Korçë, Nertila Sterjo.

Fillimisht ajo ka treguar rolin e këtij institucioni në luftën kundër infektimit me këto sëmundje, të cilat mund të sjellin pasoja të rënda në jetën e njerëzve. Ky institucion bën testime të shumta gjatë vitit, edhe testime vullnetare të cilat e kalojnë mesataren prej 600 të tillash çdo vit.

"Sot është data 1 dhjetor, dita ndërkombëtare e luftës kundër HIV/AIDS. Si gjithmonë Njësia Vendore e Kujdesit Shëndetësor Korçë në kuadër të kësaj dite, organizon aktivitete sensibilizuese dhe informuese, sidomos për të rinjtë e shkollave 9-vjeçare dhe të mesme. Ne çdo vit kemi rritur numrin e të testuarve që është dhe qëllimi ynë kryesor. Në vitin 2022 numërojmë 692 të testuar për HIV/AIDS dhe SST. Për këtë vit deri në fund të tetorit kemi 670 të testuar, shifër që do rritet deri në fund të vitit. Gjithashtu kryejmë testime vullnetare për të rinjtë të cilët janë grupi më më risk për t'u infektuar.  Gjithashtu jemi fokusuar te trajtimi i grave shtatzëna dhe komuniteti rom dhe egjiptian si komunitet në risk, por edhe ata që përdorin droga të injektueshme", u shpreh ajo. 

Fatmirësisht, për qarkun juglindor, në periudhën 2022-2023 nuk janë shënuar raste të reja të infektuarish, ndërsa edhe për vitet e kaluara, numri i të infektuarve ka qenë shumë i pakët, duke numëruar vetëm 4-5 raste.

"Motoja jonë ka qenë që ta mbajmë Korçën në nivele zero të infektimeve. Padyshim raste pozitive ka, por ato janë shumë të pakta dhe kjo është për t'u vlerësuar falë kryerjes së testimeve që bëjnë të mundur edhe shkëputjen e zinxhirit. Dy vitet e fundit nuk kemi raste pozitive. Janë 4-5 raste pozitive në Korçë të viteve më parë, gjithmonë të testuar flasim. Duke pasur testime të shumta ne minimizojmë dhe shkëpusim zinxhirin e personave që mund të jenë të infektuar", tha ajo më tej. 

Në kuadër të ditës ndërkombëtare të luftës kundër HIV/AIDS, organizohen edhe aktivitete të ndryshme për sensibilizimin e qytetarëve./CNA





Lajmet e fundit nga