"Inceneratori i Tiranës ka shkaktuar 40 milionë euro dëm"/ Gazetari: Dritan Prençi nuk ka guxim të ngrejë akuza për Veliajn

9 Shtator 2025, 22:31, Aktualitet CNA

"Inceneratori i Tiranës ka shkaktuar 40 milionë euro

Gazetari Elvi Fundo i ftuar në emisionin “A Krasta Show" deklaroi se zvarritja e hetimeve për inceneratorin e Tiranës ka shkaktuar një dëm ekonomik që shkon deri në 40 milionë euro dhe se mbajtja nën sekuestro po e çon Tiranën në kolaps.

Gazetari tha se Prençi i ka provat me video para syve dhe firmën e Veliajt ku kërkon inceneratorin e Tiranës, por nuk ka shkuar te koka që e dirigjoi.

Fundo tha se Prençi nuk u ka shkaur deri në fund hetimeve dhe nuk mban përgjegjësi dhe nuk ngre akuzat për Erion Veliajn për shpërdorim detyre.

"Nuk kam dashur kurrë të sulmoj prokurorë apo t’i kritikoj ata më SPAK për aq kohë sa janë duke bërë detyrën, por duke qenë se unë jam marrë ekskluzivisht me dosjen e inceneratorëve, me materiale voluminoze me mijëra e mijëra faqe materiale të cilat i janë dorëzuar SPAK-ut pra ëhstë kërkuar të na i sekuestrojnë dhe ne ua kemi vënë në dispozicion pa bërë ansjë lloj rezistence, madje disa materiale i kanë marrë ende pa i publikuar, por më pas i publikuam. Çështja është që prokurori Dritan Prençi bën një diferencë, shikoni hetimet dhe shpejtësinë që është hetuar Erion Veliaj nga Ols Dado dhe Altin Dumani, shikoi mënyrën sesi ka hetuar prokurori Vladimir Mara të disa dosjeve kriminale dhe shikoni ju tani Dritan Prençin sot me një kallëzim të 2021, ne jemi në 2025 dhe çështja është se prokurori munda ta marrë me nge për të siguruar më shumë prova, por dëmi që është bërë te Tirana është shumë i madh.

Në 2023 Dritan Prençi firmosi arrestimin e Mirel Mërtirit dhe grupit të strukturuar kriminal të inceneratorëve ne kishim që nga viti 2020 që shkruanim, kallëzimi qe në vitin 2021.

Dëmi shkon nga 30-40 milionë euro. A mban përgjegjësi ky prokuror , sot jemi në 2025 ka sekuestruar Inceneratorin e Tiranës, nuk u ka shkuar deri në fund hetimeve, i ka përpara syve dokumentet dhe videot me zë dhe me figurë dhe firmën e Erion Veliajt që e kerkon vetë inceneratorin e Tiranës dhe nuk ka burrërinë apo kurajën ta marrë nën akuzë për shpërdorim detyre.

Ndërkohë që Erion Veliaj është në burg për akuza të tjera, nga ana tjetër ai ka përgjegjësinë sepse duke mbajtur të sekuestruar inceneratorin Tirana është në prag të një katastrofe përveç dëmit ekonomik të bërë, përveç mosshkuarjes deri në fund të hetimeve pra duke mos shkuar te koka që ka dirigjuar Tiranën, tha gazetari./CNA