E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Sulmi kibernetik/ Web-i i INSTAT, prej disa ditësh jashtë funksionit

28 Shkurt 2024, 09:42, Aktualitet CNA

Sot për të pestën ditë radhazi web-i Institutit të Statistikës "www.instat.gov.al" është jashtë funksionit. Të dhënat nuk janë të aksesueshme pasi, sipas burimeve zyrtare të INSTAT, sistemet "online" janë fikur pasi po punohet për azhurnimin e të dhënave që u dëmtuan me sulmin kibernetik.

Përditësimi i sistemeve në mënyrë që të bëhen funksionale kërkon shkëputje, referuan burimet nga INSTAT, teksa të dhënat janë prej ditësh të paaksesueshme.

Për herë të dytë brenda muajit të dhënat e INSTAT dhe databazat nuk janë të disponueshme për përdoruesit. Në fillim të muajit web-i u bllokua për 5 ditë nga sulmi i grupit të hakerëve ‘Homeland Justice’ të cilët kishin sulmuar serverat dhe web-in.

Pas bllokimit disaditor të dhënat u rikthyen pjesërisht, por në katër ditët e fundit web-i nuk është ribllokuar sërish, por këtë herë nga ekspertët IT në INSTAT. Burimet brenda institucionit nuk dhanë afat se sa do të zgjasë bllokimi, por pohuan se po punohet me intensitet për të rikthyer aksesimin e të dhënave.

Pavarësisht arsyes, të dhënat e detajuara të statistikave zyrtare të vendit, për popullsinë, ekonominë, tregtinë, arsimin, shëndetësinë, etj. nuk janë të disponueshme nga e shtuna e javës së kaluar. Në rastin më të mirë mungesa e tyre bllokon punën për një seri fushash dhe sektorësh që e kanë të bazuar aktivitetin në përpunimin dhe analizimin e të dhënave.

Gjatë fundjavës së kaluar, “Homeland Justice’" njoftuan se kanë akses të plotë në 10 terrabite të INSTAT, duke përfshirë edhe të dhënat e Censit të Popullsisë dhe Banesave që u krye në 2023-shin.

Ekspertë të IT që kanë punuar me sistemet publike sqaruan se përmasat e dëmit varen nga koha që grupi i hakerëve ka qëndruar në sistem. Sa më e gjatë të ketë qenë koha e qëndrimit aq më i madh është dëmi që përfshin aksesin edhe në sistemet "back up". Këto sisteme shërbejnë për të ruajtur të dhënat në serverë të veçantë në rast të një sulmi në sistemet me të cilat punohet.

Eksperti shpjegoi se metodat e hakerimit kanë evoluar shumë vitet e fundit, ndërkohë që ka shumë pak IT profesionistë dhe përdoruesit e sistemeve nuk kanë kulturën bazike për të ruajtur nga sulmet./Monitor