web counter
LEXO PA REKLAMA!

SHKARKO APP

App Store
Google Play

E fundit!

x

“Hallet nuk mund t’i mbys në alkool”/ Meloni: Pas vajzës sime dua Italinë

28 Shkurt 2024, 09:22, Aktualitet CNA

“Hallet nuk mund t’i mbys në alkool”/ Meloni: Pas

Kryeministrja e Italisë, Giorgia Meloni, gjatë një prononcimi ka deklaruar se gjëja që e zemëron më shumë është se Italia nuk respektohet dhe se i ka vendosur vetes synim për të rikthyer besueshmërinë për kombin e saj.

Ajo thekson se pas vajzës së saj, do më shumë Italinë dhe si patriote ka vuajtur nga një Itali e përbuzur, e konsideruar joserioze dhe e pabesueshme.

“Gjëja që dua më shumë pas vajzës sime është kombi im dhe më zemëron që Italia nuk respektohet. Si patriote kam vuajtur nga një Itali e përbuzur, e konsideruar joserioze dhe e pabesueshme. I vura vetes synimin për të rivendosur besueshmërinë për këtë komb, për të përmbysur një histori që ndonjëherë është edhe instrumentale: spageti dhe mandolina italia, Italia së cilës nuk mund t’i besosh”, përfundoi ajo.

Meloni është shprehur se hallet nuk mund t’i mbysë me alkool.

“Më ftoni ditën që humbas zgjedhjet në Sardenjë, po bëj edhe Kreshmën dhe as hallet nuk mund t’i mbys në alkool. Kështu që nuk është dita më e mirë për të pritur simpati dhe lumturi nga unë. Koha është ajo që u ka munguar qeverive italiane: Këtij kombi i duhet stabilitet, për t'u dhënë përparësi investimeve, për të pasur një strategji, për të qeverisur fuqitë ekonomike. Demokracia shpërblehet, nuk ka rrezik autoritarizmi.

Me reformën e kryeministrisë, ajo që do të doja të bëja është që qytetarët të zgjedhin partinë që dëshironin për të qeverisur. Unë e konsideroj veten një person të respektueshëm dhe të mirë dhe e di që nuk duhet të nënvlerësojmë kurrë ligësinë e mundshme të një njeriu të mirë që është i detyruar të jetë i keq”, tha Meloni./ CNA

 





Lajmet e fundit nga