web counter
LEXO PA REKLAMA!

SHKARKO APP

App Store
Google Play

Hetimet për Berishën/ SPAK po i “faturon” vendimet kolektive të Këshillit të Ministrave

23 Tetor 2023, 22:30, Aktualitet CNA
Hetimet për Berishën/ SPAK po i “faturon” vendimet
Foto ilustruese

Gazetari Neritan Sejamini ka folur për akuzat ndaj ish kryeministrit Sali Berisha nga SPAK për korrupsion pasiv për çështjen e privatizmit të ish-kompleksit Partizani.

I ftuar në emisionin “Të paekspozuarit” me Ylli Rakipin, Sejamini është shprehur se për herë të parë SPAK po thotë se një kryeministër ose një anëtar i qeverisë do të mbajë përgjegjësi për një vendim kolektiv të Këshillit të Ministrave.

Nëse Porkuroria do të mbajë këtë standart, Sejamini deklaron se në Shqipëri do të bëhet kërdia.

"Qeveria harton ligje. Një ministër, apo kryeministri propozin një ligj, miratohet në Këshillin e Ministrave dhe i shkon Kuvendit. Pra ka një procedurë. Qeveria dhe Kuvendi bëjnë ligje.

Deri më sot, vendimet e Këshillit të Ministrave, janë kolektive, pra nuk mbahet përgjegjës një anëtar. Edhe Kuvendi, nuk mbahet përgjegjës askush.

Tani prokuroria për herë të parë po thotë, kryeministri apo një anëtar i qeverisë do të mbajë përgjegjësi për një vendim kolektiv të Këshillit të Ministrave. Pse? Sepse thotë e di që e ka nisur këtë gjë për t’i shërbyer diçkaje tjetër.

Nëse unë jam një qytetar dhe them, duhet që qeveria t’i japë ndihmë fëmijëve talasemikë, qeveria e dëgjon dhe bën ligj. Quhet klientelist?

Këto ligje i kanë shërbyer shumë njerëzve apo vetëm dhëndrit të Berishës? Prandaj, nëse prokuroria mban përgjegjës për këto gjëra, këtu bëhet kërdia", tha Sejamini. / CNA





Lajmet e fundit nga