web counter
LEXO PA REKLAMA!

SHKARKO APP

App Store
Google Play

Artan Hoxha zbulon hapin e radhës të SPAK/ “Berishës kërkojnë t’i thajnë trungun”

23 Tetor 2023, 20:26, Aktualitet CNA
Artan Hoxha zbulon hapin e radhës të SPAK/ “Berishës
Gazetari investigativ Artan Hoxha

Gazetari investigativ Artan Hoxha ka folur mbi akuzat ndaj ish kryeministrit Sali Berisha, i cili akuzohet nga SPAK për korrupsion pasiv në lidhje me dosjen për privatizimin e ish-kompleksit Partizani.

Gjatë një interviste, Hoxha ka zbuluar se cili do të jetë hap ii radhës nga SPAK në lidhje me Berishën.

Sipas tij, tani Berishës kërkojnë t’i thajnë burimet, dhe SPAK do të godasë të gjithë rrethin e afërt të ish-kryeministrit.

“Berisha nga vendimet e DASH ka dy akuza kryesore së pari, për minim të demokracisë në vend dhe së dyti, i përfshirë në aferat korruptive.

Tani nëse e shikojmë si fabul, përfshirë edhe mënyrën si kanë vepruar më parë SHBA-të për raste të ngjashme, ata kanë dy mënyra; ose të godasin direkt, ose të thajnë burimet. Në rastin konkret ata i dhanë ‘non grata-n’ Berishës me qëllim që ai të largohej dhe të tërhiqej. Berisha bëri të kundërtën, vendosi të përballej, kështu që ata ndërmorën hapin e dytë e ‘tharjes së burimeve’.

Unë mendoj se hapi tjetër i SPAK-ut do të jetë të godasë të gjithë rrethin e afërt të Berishës dhe paratë që financojnë aktivitetin e Berishës.

Gjithmonë, kjo është ajo çka mendoj unë bazuar nga çfarë kam informacion apo procedura e ndjekur gjatë viteve të fundit në SPAK, bazuar edhe në kontaktet që kam pasur apo rastet kur kam shkuar vetë në Prokurorinë e Posaçme për të dhënë informacion si njeri mbi të dhëna që disponoja, sepse nuk mund të jem 100% i sigurt.

Amerikanët të godasin fillimisht në mënyrë të drejtëpërdrejtë dhe në qoftë se ti vendos të përballesh me ta, ata të thajnë burimet. Që të thajnë trungun, ata kanë vendosur të presin rrënjët. Por kush janë rrënjët në këtë rast? Nëse ti bllokon 5.4 milionë euro dhe vazhdon të kërkosh paratë tek familjarët e tjerë të rrethit të ngushtë të Berishës, atëhere praktikisht e lë atë si një qytetar i thjesht.

E kthen në një njeri që nuk mund të përballet dhe të financojë një fushatë të tillë, fushatë që synon më tepër sesa të sqarojë organet e drejtësisë. Synon të mbajë rreth vetes përkrahësit, militantët e tij, dhe të krijojë një rrethanë ekstraligjore që t’i shpëtojë një përballje me drejtësinë.

Në këto momente Berishës i mbetet vetëm të vendos se çfarë do të bëjë me vendimin që i ka komunikuar gjykata për detyrimin për paraqitje dhe dorëzimin e pasaportës për të mos lejuar lëvizjen jashtë territorit të Shqipërisë”, tha Hoxha./ CNA





Lajmet e fundit nga