web counter
LEXO PA REKLAMA!

SHKARKO APP

App Store
Google Play

“Malltezi ka shitur çdo apartament në themel”/ Berisha: Faktohen me fatura dhe dokumente

23 Tetor 2023, 21:29, Aktualitet CNA

“Malltezi ka shitur çdo apartament në themel”/ Berisha:

Ish kryeministri Sali Berisha ka folur për pronat e dhëndrit të tij, Jamarbër Malltezi dhe se si ai i ka përfituar ato.

Gjatë një interviste, Berisha u shpreh se ai është në gjendje të faktojë me dokument dhe faturë çdo qindarkë që Malltezi ka përfituar.

Ish kryeministri u shpreh se Malltezi përveç pronës së trashëguar nga gjyshja e tij, ka blerë truall nga kushërinjtë e tij.

Berisha theksoi se Malltezi është futur si investitor me tokë dhe për këtë SKAP-i ka çdo dokument.

Ai bën me dije se ka fatura që tregojnë se çdo apartament e ka shitur në themel.

“Jo për të fshehur dokumente se unë brenda 30 sekondave të faktoj se për çdo qindrakë ka burime dhe dokumente.

Përveç truallit të trashëguar nga gjyshja ka blerë troje nga kushërinj të tjerë, me dokumente. Malltezi është futur si investitor me tokë dhe për këtë SKAP-i ka çdo dokument. Ekziston çdo faturë dhe dokument se çdo apartament e ka shitur në themel.

Çdo apartament e ka shitur me rreth 200 euro më lirë. Ky ka mbledh këto para. Ato para që kishte dhe kredinë që mori i përdori për të blerë tokë tek kushërinjtë e vet.

Ky hyri si pronar por me trruall shumë më tepër. Nëse prokruroria donte të gjente çdo qindarkë e gjente po nuk donte. Donte ta paraqiste skup.

Nuk ka qenë investitor tek kompani ka funksionuar si bashkë investitor me sipërmarrjen.

Ky ka qenë investitor me kuota të caktuara, të prera e dorëzuar tek noteri.

Edi Rama është personi që dy vjet para se të fillojë privatizimi ka marrë vendimi për ta ndryshuar destinacionin.

Kur Rama mori vesh se është Malltezi në bashkëpronësi ia bllokoi. Këta e kanë anuluar tek noteri marrëveshje,

Ata janë 17 pallate bëhet fjalë për 20 milionë euro, SPAK thotë janë 20 milionë euro investim”, tha Berisha./ CNA





Lajmet e fundit nga