E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Gjyqtari Kalaja u ekzekutua në sallën e gjyqit/ Delegacioni i BE-së: Nevojë urgjente rritja e sigurisë së gjyqtarëve dhe prokurorëve

6 Tetor 2025, 19:09, Aktualitet CNA

Gjyqtari Kalaja u ekzekutua në sallën e gjyqit/ Delegacioni i

Delegacioni i Bashkimit Evropian në Shqipëri ka reaguar për vrasjen e gjyqtarit Astrit Kalaja në Gjykatën e Apelit. Në reagim është dënuar akti kriminal dhe i janë shprehur ngushëllime familjes së gjyqtarit.

Gjithashtu, delegacioni i BE-së thekson se kjo ngjarje e rëndë nënvizon nevojën e menjëhershme që Shqipëria të rrisë sigurinë e gjyqtarëve dhe prokurorëve. Më tej theksohet se duhen ndërmarrë të gjitha masat e nevojshme për të garantuar sigurinë në sallat e gjyqit.

Reagimi i plotë:

Delegacioni i Bashkimit Evropian në Shqipëri është i tronditur nga akti i dhunës që çoi në vrasjen e gjyqtarit Kalaja dhe plagosjen e dy qytetarëve shqiptarë.

Ne e dënojmë me forcë këtë akt kriminal.

Shprehim ngushëllimet tona më të thella për familjen e gjyqtarit Kalaja.

Kjo tragjedi nënvizon nevojën e ngutshme që Shqipëria të rrisë sigurinë e gjyqtarëve dhe prokurorëve dhe të ndërmarrë të gjitha masat e nevojshme për të garantuar sigurinë në sallat e gjyqit.

Bashkimi Evropian mbetet i palëkundur në mbështetjen e konsolidimit të reformës në drejtësi dhe të forcimit të sundimit të ligjit në vend./CNA