web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i gjyqtarit në sallën e gjyqit/ Manja: Vrasja e Astrit Kalasë është sulm ndaj drejtësisë

6 Tetor 2025, 18:02, Aktualitet CNA

Ekzekutimi i gjyqtarit në sallën e gjyqit/ Manja: Vrasja e Astrit

Kryetari i Komisionit të Ligjeve dhe ish-ministri i Drejtësisë, Ulsi Manja ka reaguar për vrasjen e gjyqtarit Astrit Kalaja në sallën e gjyqit. Manja është shprehur në postimin e tij se kjo është një humbje që ka tronditur drejtësinë.

Ndërsa shprehet se ka punuar me të për 5 vite, ish-ministri thotë së gjyqtari ishte një familjar dhe qytetar model. Manja ka dënuar aktin, të cilin e cilëson sulm të drejtpërdrejtë ndaj shtetit shqiptar. Ai shton se kjo vrasje duhet të shërbejë si këmbanë alarmi për sigurinë e të gjithë punonjësve të drejtësisë përballë krimit. 

Postimi i plotë:

Një humbje që trondit drejtësinë!

Sot, dora e krimit u ngrit mbi togën e zezë, duke marrë jetën e gjyqtarit të Gjykatës së Apelit Tiranë, Astrit Kalaja.

E kam njohur dhe kam punuar me të në ditë të vështira për rendin dhe sigurinë në Shkodër (2002–2007) — ai si gjyqtar, unë si prokuror. Astrit Kalaja ishte, me plot kuptimin e fjalës, një familjar dhe qytetar model, një gjyqtar me integritet të lartë dhe shtetar i përgjegjshëm.

Si ish-koleg dhe Kryetar i Komisionit të Ligjeve, e dënoj me forcë këtë akt barbar, që është sulm i drejtpërdrejtë ndaj shtetit dhe drejtësisë shqiptare.

Vrasja e një gjyqtari në detyrë kërkon ndëshkim shembullor dhe duhet të shërbejë si këmbanë alarmi për sigurinë e të gjithë punonjësve të drejtësisë përballë dorës së krimit.

Ngushëllimet më të sinqerta për familjen dhe miqtë e shumtë që Astriti kishte kudo.

U prehtë në paqe njeriu dhe gjyqtari që nderoi togën e zezë!/CNA





Lajmet e fundit nga