web counter
LEXO PA REKLAMA!

SHKARKO APP

App Store
Google Play

E fundit!

x

Gjekmarkaj jeton luksin me taksat e shqiptarëve/ Udhëton drejt Vatikanit për të takuar Papën

7 Qershor 2022, 18:16, Aktualitet CNA
Gjekmarkaj jeton luksin me taksat e shqiptarëve/ Udhëton drejt
Agron Gjekmarkaj

Agron Gjekmarkaj, analisti që u bë deputet nga Lulzim Basha dhe më pas nënkryetar i PD-së, një nga njerëzit që me 8 janar qëndroi në selinë e Partisë Demokratike dhe thirri policinë për të hedhur gaz lotsjellës ndaj militantëve, deklaroi pak muaj më parë se në rast se Berisha rikthehej në PD ai do të jepte dorëheqjen.

Pasi Gjykata e Shkallës së Parë legjitimoi “11 dhjetorin”, Komisioni i Rithemelimit, me në krye Sali Berishën morën drejtimin e partisë. Në atë kohë, Gjekmarkaj, përmes një postimi të gjatë në rrjetin social "Facebook", deklaroi se do të jepte dorëheqjen nga çdo funksion i partisë.

Por në fakt, kjo ishte gënjeshtra e parë që Gjekmarkaj deklaroi. Në fakt, ai dha dorëheqjen si nënkryetar i PD-së, por jo si nënkryetar Kuvendi. Nga benefitet që vijnë nga ky post, analisti që u bë deputet nuk hoqi dorë.

Me taksat e shqiptarëve, Gjekmarkaj e ka marrë botën mbarë.

Pas vizitës në SHBA, ai së fundmi ka qenë në Vatikan, ku ka zhvilluar një takim me Papa Françeskun.

 

Gjekmarkaj jeton luksin me taksat e shqiptarëve/ Udhëton drejt
Agron Gjekmarkaj

Një delegacion nga Shqipëria, me në krye Lindita Nikollën dhe Agron Gjekmarkajn, kanë zhvilluar një sërë takimesh me përfaqësuesit fetarë.

Luksi dhe shpenzimet e milionave nga taksat e shqiptarëve, e kanë bërë Gjekmarkajn që të mos e lëshojë lehtë karrigen e nënkryetarit të Kuvendit.

CNA.al edhe pak kohë më parë mori informacion zyrtar nga Kuvendi për shpenzimet e larta që deputeti që u katapultua nga Basha bëri në SHBA.

Bileta e udhëtimit, sipas Kuvendit, ishte blerë me procedurë prokurimi dhe ka kushtuar 118.462 lekë për secilin. Në total 236 924 lekë.

Dieta ditore për qëndrimin në SHBA, për trajtim financiar të punonjësve që dërgohen me shërbim jashtë vendit ka kapur shifrën 1485 dollarë për të dy pjesëmarrësit.

Akomodimi në hotele ka kushtuar gjithsej, 5 828 dollarë për të dy pjesëmarrësit për dhjetë ditët e qëndrimit.

Gjekmarkaj jeton luksin me taksat e shqiptarëve/ Udhëton drejt

Në SHBA me një çmim të tillë, mund të qëndrosh në hotele superluksoze, jo thjesht luks.

Ndërsa lëvizja aeroport-hotel dhe anasjelltas ka shkuar në vlerën 290 dollarë.

Pra, janë shpenzuar rreth 10 mijë dollarë për Agron Gjekmarkajn dhe ndihmësin e tij në SHBA.

Bëhet fjalë për rreth 10 mijë dollarë që janë para të taksapaguesve shqiptarë./E.K-CNA.al

 





Lajmet e fundit nga