web counter
LEXO PA REKLAMA!

SHKARKO APP

App Store
Google Play

Video-Kostoja e zjarreve në 2021-shin, sa për 6 avionë të tillë

7 Qershor 2022, 13:52, Aktualitet Mentor Kikia
Video-Kostoja e zjarreve në 2021-shin, sa për 6 avionë të
Foto ilustruese

Këta janë avionët civil “Canadair CL 415”, një nga të cilët është huazuar nga qeveria greke për të shuar zjarrin në Sazan.

Ky në video është i flotës së Mbrojtjes Civile të Kroacisë. Vetëmbushet me ujë në det, shkarkon, mbushet sërish....

Në internet, çmimi i tij rezulton të jenë rreth 27 milionë euro.

EFFIS, një program i BE-së, i njohur si ‘Sytë e Europës’ në tokë, thekson:

Gjatë vitit 2021 Shqipëria ka pasur 126 raste zjarresh masive (291 në total), dhe sipërfaqja e djegur është 29,057 ha, ose rreth 3% e sipërfaqes pyjore të vendit.

Nëse do të bëjmë një analizë të thjeshtë mbi dëmet ekonomike të shkaktuara nga zjarret, kemi këto shifra;

1-Pyllëzimi i sipërfaqeve të djegura nga zjarret ka një kosto rreth 5000 euro/ha. Nëse e shumëzojmë me sipërfaqen e djegur (29,057 ha), del vlera e parë e dëmit ekonomik që është 145,285,000 euro. Kjo është vetëm shifra për të rigjeneruar sipërfaqen e djegur.

2- Vlera e lëndës drusore të djegur, duke marrë mesataren e volumit/ha në nivel kombëtar në rreth 55 m3 dhe me një çmim të mesatarizuar prej 20 euro/m3, dëmi i shkaktuar në këtë rast është  31,962,700 euro.

3- Shërbimet e munguara në eksositem nga djegia e pyjeve (mungesa e kapjes së CO2 nga atmosfera) për shkak të djegies së pyjeve, referuar tregut ndërkombëtar ku 1 ton CO2 = 4 euro, kemi këto vlera; 29,057 ha x 57.8 ton CO2/ha x 4 euro/ton = 6,712,167 euro/vit.

Duke mbledhur shifrat e mësipërme, del që vlera totale e dëmit të shkaktuar nga zjarret në pyjet tona për vitin 2021 është = 183,959,867 euro.

Unë do t'i marr me shumë rezerva këto shifra. Pra, kostoja e zjarreve në një vit nuk është 183 milionë, por më e vogël. Por sa një avion a është ajo?

Pa dyshim që po?

Po sikur çdo vit të blejmë nga një avion dhe të shpëtojmë pyjet, a dalim më të fituar?

Pa dyshim që po!

Mungon vetëm ai që t'i bëjë këto llogari.





Lajmet e fundit nga