Gazetari nxjerr dokumentet/ Akuza Tedi Blushit

18 Tetor 2025, 14:15, Aktualitet CNA

Tedi Blushi

Gazetari Elvi Fundo ka publikuar dy dokumente që u përkasin muajve mars dhe prill të vitit 1943 që faktojnë arrestimin e Aleks Peleshit, babait të Niko Peleshit, kryetarit të Kuvendit.

Në dokumentet e vulosura të kohës, të firmosura nga Regjenti i Kuesturës, Mehmet Pupa, dallohet qartazi lajmërimi i arrestimit të Aleks Peleshit, student 16-vjeçar për propagandë soversive.

Gazetari nxjerr dokumentet/ Akuza Tedi Blushit

Gazetari Elvi Fundo ka reaguar pasi Tedi Blushi doli të enjten para Kuvendit dhe tha se “Aleks Peleshi (babai i Niko Peleshit) ka qenë i fundit që takoi ose që e nxori në pritë Zai Fundon”.

Më pas, gazetari ka bërë një reagim dhe i ka kërkuar Tedi Blushit të kërkojë ndjesë publike dhe të mos bëjë politikë me të vdekurit dhe të trazojë njerëzit në varr, pasi ajo që ka deklaruar nuk është e vërtetë, por një gënjeshtër për të bërë politikë me kryetarin e Kuvendit.

Nga Elvi Fundo/ Një përgjigje e detyruar për Tedi Blushin
16 Tetor, 21:36

Politikën me Niko Peleshin mund ta bëjë në qindra forma, por jo duke prekur patriotë, intelektualë, antifashistë, njerëz të ndershëm, për të cilët shqiptarët janë krenarë.

Ndërkohë, ata që kanë një mendje dhe shpirt të nxirë, duan të sillen si në kohën e diktatorit që i pushkatonte dhe më pas u ndotte imazhin.

Këtë e ka bërë dhe Tedi Blushi, i cili akuzoi me të padrejtë Aleks Peleshin, babain e Niko Peleshit. Dokumentet e nxjerra nga gazetari Elvi Fundo tregojnë se si ai ka qenë një nga të rinjtë, një 16-vjeçar i arrestuar nga fashistët dhe është internuar në Ponza në Ventotene.

Nga Elvi Fundo/ Tedi Blushi nuk mund të kërkojë falje, duke u fshehur pas atyre që kanë ndërruar jetë
17 Tetor, 19:45

Publikimi i gazetarit Elvi Fundo (Dokumentet)

Dy fakte me shkresa zyrtare të vitit 1943. Njëri në mars e tjetri në prill.

Këto dokumente kanë një emër: Aleks Peleshi, arrestuar nga italianët në moshën 16-vjeçare për propagandë soversive.

Internohet në Ponza, më pas Ventotene, ku njihet edhe me Llazar Fundon, atëherë 44 vjeç.

Pra, një adoleshent antifashist, në zemrën e antifashistëve që hodhën themelet e Bashkimit Europian.

Këto janë vetëm dy nga qindra dokumentet që unë kam gjetur dhe po ia vendos në dispozicion një grupi historianësh për të vërtetën historike të kombit tonë.

Por, ekzistojnë edhe disa jashtëqitje të Ilir Metës, të cilët në vend që të nderojnë antifashistët e patriotët e vërtetë hedhin baltë mbi ta. Baltë e llum si diktatori dje, që pasi i vriste, u nxinte figurën.

Sot një mbetje e tillë si Tedi Blushi ka bërë të njëjtin veprim.

Ka qëlluar mbi Aleks Peleshin, duke e akuzuar për Zai Fundon. Më pas përmend edhe babain tim, turpësisht.

Këlysh i Harbutit që bën politikë me të vdekurit.

Hapi sytë (që të të pëlcasin) lexo o farë karrocierësh.

Të dhashë kohën të reflektoje dhe kërkoje ndjesë publike, le që ku ke moral e dinjitet ti./ CNA