LEXO PA REKLAMA!

SHKARKO APP

Gazetari Artan Hoxha nxori provat/ Ja çfarë rrezikon Lulzim Basha

21 Janar 2023, 09:39, Aktualitet CNA

Gazetari Artan Hoxha nxori provat/ Ja çfarë rrezikon Lulzim Basha

Gazetari Artan Hoxha, ka nxjerrë në dritë prova të reja lidhur me tragjedinë e 21 janarit 2011, ku mbetën të vrarë katër persona.

Në këto prova ka dalë dhe ish-Ministri i Brendshëm në atë kohë Lulzim Basha.

Artan Hoxha ka zbuluar rolin e Lulzim Bashës dhe lidhjen e tij me “grupin e zjarrit”.

Në rast të rihapjes dhe thellimit te hetimeve Lulzim Basha merr përgjegjësinë ligjore që nga shpërdorimi i detyrës deri tek urdhërat për vrasje me dashje.

Veprat penale për vrasjen uk parashkruhen dhe organi i akuzës, pas daljes së provave të reja ka edhe një arsye më shumë për të rihapur dhe thelluar hetimet duke vënë para përgjegjësisë Lulzim Bashën.

Gazetari Artan Hoxha nxori provat/ Ja çfarë rrezikon Lulzim Basha

Ky i fundit nuk është thirrur ndonjëherë në prokurori për tragjedinë me katër të vrarë.  Nuk ka dëshmuar asnjëherë.

Ai duhet të thirret për të dëshmuar, për të zbardhur bisedën me grupin e zjarrit, ku ka qenë protagonist dhe Ndrea Prendi.

Provat e reja të publikuara nga Artan Hoxha

“4 të vrarët dhe 8 të plagosurit kanë ndodhur në një hark kohor shuam të shkurtër. Kujdes municioni, më kujton kur gardisti ndërron karikatorin dhe kërkon tjetër. Porta numër 2 është porta nga krahu i Bulevardit. Ai flet vetëm me drejtuesit, sepse drejtuesit flasin pastaj me njësinë poshtë. Është si një lojë shahu. 206 i Tufanit, tek ky kod nuk kam mundur ta deshifroj kush është pas tij. Kjo duhet bërë nga prokuroria. Pastaj kemi disa të panjohur që flasin me kode. Në fund kemi përmendjen e kodeve. Kemi fjalët ‘Të kërkon ministri’. Ai nuk ka pasur mundësi të komunikojë drejtpërdrejt me të po ka kërkuar të flasë këtu. Se çfarë ka komunikuar Lulzim Basha nuk dihet”, tha Hoxha.

Audio që Artan Hoxha ka siguruar pas 12 vitesh, vërteton se vrasjet janë kryer me urdhër.

Komunikimi është bërë nga një kanal i veçantë radiojeje, ku aty nuk komunikonin e gjithë garda, por vetëm një pjesë, ku më vonë u quajt edhe “grupi i zjarrit”, ku ishte pjesë edhe Lulzim Basha.

“Është një regjistrim audio. Vrasjet janë bërë me urdhër, por serverat u fshinë, procesverbalet u fshinë, nuk u la më asnjë gjurmë, për të fshehur faktin se kush i kreu vrasjet.

Më në fund pas 12 vitesh, mu dha mundësia të kem një provë që dëshmon se vrasjet janë bërë me urdhër dhe ofcerët që kanë qëlluar me urdhër. Ky material që është siguruar pas një kohe kaq të gjatë i jep mundësinë që të gjejë përgjegjësin dhe t’i qetësojë familjarët.

Komunikoni vetëm stafi drejtues dhe ai që konsiderohej grupi i zjarrit. Ka qenë drejtori i Përgjithshëm i Policisë së Shtetit dhe drejtor i Policisë së Tiranës. Aty dëgjohet që flet edhe ministri i Brendshëm i asaj kohe që kaq qenë Lulzim Basha”, ka thënë Artan Hoxha./CNA.al

Lajmet e fundit nga