web counter
LEXO PA REKLAMA!

SHKARKO APP

App Store
Google Play

Fitorja historike e Shqipërisë në Lojërat Olimpike/ Rama bën propagandë

10 Gusht 2024, 21:03, Aktualitet CNA
Fitorja historike e Shqipërisë në Lojërat Olimpike/ Rama
Chermen Valiev

Tashmë edhe Shqipëria e ka një medalje olimpike, kjo falë mundësit Chermen Valiev. Shqiptaro-çeçeni, ia doli të triumfoi në finalen për vendin e tretë në kategorinë 74 kg, për të marrë medaljen e bronztë, e cila është e para në histori pë Shqipërinë.

Pas këtij lajmi, ka reaguar kryeministri Edi Rama i cili edhe në këtë rast ka bërë propagandë duke thënë se kjo flet për punën e Komitetit të Rilindur Olimpik Shqiptar.

Sipas Ramës kjo fitore shënon fillimin e një historie të re, që në vite do të sjellë fryte të tjera të gëzueshme falë lëvizjes masive sportive për fëmijët dhe investimeve masive në palestra e në infrastrukturë sportive që do të vazhdojnë.

“Medalja e Parë Olimpike në historinë tonë është një lajm që flet shumë për punën e Komitetit të Rilindur Olimpik Shqiptar nën drejtimin e Fidel Yllit; për të vërtetën që Shqipërisë jo nuk i ikin më talentet sportive të lindura këtu, po talente të lindura gjetkë e zgjedhin si atdheun e dytë për t’u stërvitur në kushte optimale e për t’u ngjitur në majat e botës me flamurin kuqezi; si edhe për fillimin e një historie të re, që në vite do të sjellë fryte të tjera të gëzueshme falë lëvizjes masive sportive për fëmijët dhe investimeve masive në palestra e në infrastrukturë sportive që do të vazhdojnë. FALEMINDERIT KAMPION”, shkruan Rama./ CNA





Lajmet e fundit nga