web counter
LEXO PA REKLAMA!

SHKARKO APP

App Store
Google Play

Berisha, thirrje ndërkombëtarëve: Mos mbështesni Ramën

9 Gusht 2024, 21:10, Aktualitet CNA
Berisha, thirrje ndërkombëtarëve: Mos mbështesni Ramën
Kreu i PD-së, Sali Berisha

Kreu i PD-së Sali Berisha u ka bërë thirrje ndërkombëtarëve që të mos vazhdojnë të tallen me shqiptarët dhe të mos mbështesin kryeministrin Edi Rama.

Gjatë fjalës së tij nga ballkoni i banesës para demokratëve, Berisha i’u është drejtuar ndërkombëtarëve se nëse nuk gjejnë forcë të realizojnë dramën që u krijua me drejtësinë të paktën të mos përkrahin Ramën, se shqiptarët po qeshin dhe bota do të qeshë me ta.

“Qytetarët shqiptarë janë qytetarët e vetëm në Europë, të cilët janë me drejtësi të munguar.

Shteti ligjor në Vietnamin e diktaturës komuniste është 4 kate mbi shtetin ligjor të mobokracisë së Shqipërisë, anëtare e NATO-s, kandidate e BE, turpi, faqja e zezë e Europës dhe e botës.

Qytetarët shqiptarë janë të vetmit që për një vendim drejtësie, duhet të presin 14.6 vite dhe si shpërblim marrin mesazhe se ne mbështesim drejtësinë e re. Se ne kemi besim te drejtësia e re.

Zotërinj, të nderuar partnerë, mos u tallni më me shqiptarët. Për çfarë drejtësie bëni fjalë ju?Për drejtësinë që për të marrë vendimin në gjykata, duhet të presë 14 vite shqiptari?Po të paktën këtë mos e bëni.Për cilën bëni fjalë ju? Kur kryeministri, i ka vënë drynin Gjykatës Kushtetuese, vendimet e të cilës janë norma kushtetuese në doktrinën e të drejtës.

Zotërinj, në qoftë se nuk gjeni forcë të realizoni dramën që u krijua me drejtësinë, të paktën mos vazhdoni të mbështesni Edi Ramën.Të mbështesni Edi Ramën se shqiptarët po qeshin dhe bota do qeshë me ju”, u shpreh Berisha./ CNA





Lajmet e fundit nga