web counter
LEXO PA REKLAMA!

SHKARKO APP

App Store
Google Play

Favorizuan të afërmin e Leftër Allës për tenderin 3 mln euro/ Dënimet për ish-zyrtarët

28 Dhjetor 2023, 12:00, Aktualitet CNA
Favorizuan të afërmin e Leftër Allës për tenderin 3 mln
Lefter Alla

Të enjten, Gjykata e Posaçme dha vendimin për ish-kryebashkiakun e Bulqizës, Lefter Alla, i cili u dënua me 3 vite burg për abuzimin me tenderin për ujësjellësin me vlerë 3 milionë euro.

Alla, për shkak të gjykimit të shkurtuar, përfundimisht do të vuajë 2 vite heqje lirie. Ish-zyrtarit të lartë i ndalohet që për 5 vite të ushtrojë funksione publike.

Alla u arrestua më 15 mars 2023 dhe u akuzua se në bashkëpunim me ish-zyrtarët favorizoi dy kompani gjatë procedurës së prokurimit publik me qëllim që më pas punimet për ujësjellësin t’i kryejë kompania ‘OE 2AF Albania shpk’, e cila është në administrimin e të afërmit të Allës, Aqif Konesha.

Kompanitë që dolën fituese të tenderit ishin ‘BOE Egland shpk’ dhe ‘BE-IS shpk’.

Ndërkohë janë zbardhur edhe dënimet për 9 zyrtarët e tjerë, si edhe punonjësit e firmave private që përfituan tenderin.

Dënimet: 

1 vit e 8 muaj burg Enkelejda Lleshit, lirohet me kusht.

Nga 14 muaj burg Rubin Kolës, Arsen Gjokës e Kujtim Zogut, lirohen me kusht.

Leonard Daci dënohet me 1 vit e 2 muaj burg, lirohet me kusht.

Erion Isaku dënohet me 2 vite burg.

Rasim Daci dënohet me 1 vit e 8 muaj burg.

1 vit e 4 muaj burg Aqif Koneshën, i afërmi i Lefter Allës.

Dënohet me 1 vit burg, Dali Gazidedja, lirohet me kusht./CNA





Lajmet e fundit nga