web counter
LEXO PA REKLAMA!

SHKARKO APP

App Store
Google Play

Eduard Halimi: Nisma ligjore e PS-së, koracë mbrojtëse iluzionale

18 Shkurt 2026, 21:30, Aktualitet CNA

Eduard Halimi: Nisma ligjore e PS-së, koracë mbrojtëse iluzionale

Ish-ministri i Drejtësisë, Eduard Halimi u ndal sot në një shpjegim të aspektit ligjor lidhur me ndryshimin e propozuar nga Partia Socialiste në Kodin e Procedurës Penale.

Në një dalje telelvizive, Halimi tha se neni 242 është shumë i debatuar për nga interpretimi, teksa e cilësoi ndryshimin jo si një reformë, por si një mburojë.

Sipas Halimit, një ndryshim i tillë ngjason me praktikat e vendeve të Europës Lindore.

“Është ndryshim i nenit 242 të Kodit të Procedurës Penale. Bëhet fjalë për nenin shumë të debatuar në Gjykatën Kushtetuese lidhur me kërkesën e kryeministrit për masën e pezullimit nga GJKKO. Ky ndryshim nuk është reformë, por një ndërhyrje emergjente për një hall të caktuar, konkretisht për çështjen “Balluku”, si edhe një përpjekje për të krijuar një mburojë për ministrat që mund të firmosin. Nuk kemi të bëjmë me reformë. Është një ndryshim që ngjan me praktikat e vendeve të Europës Lindore. Të njëjta veprime kanë ndodhur në Rumani në vitet 2017–2018, kur më shumë se 200 kryetarë bashkish u vunë nën hetim dhe u kërkua hetimi edhe ndaj kryeministrit e 50 deputetëve. E njëjta situatë ndodhi edhe në Poloni në vitin 2023, kur u vendosën nën hetim zyrtarë të lartë. Po ashtu edhe në Slloveni. Janë masa emergjente me qëllim krijimin e një “koracë” mbrojtëse. Por, sipas meje, kjo është iluzion. Nuk krijon mbrojtje, sepse prioritet ka Kushtetuta”,-tha Halimi./CNA





Lajmet e fundit nga