web counter
LEXO PA REKLAMA!

SHKARKO APP

App Store
Google Play

Dëmet nga përmbytjet/ Salla: Do të nisë kompensimi për fermerët, skema sigurimi si modeli turk

18 Shkurt 2026, 12:19, Aktualitet CNA

Dëmet nga përmbytjet/ Salla: Do të nisë kompensimi për

Ministri i Bujqësisë, Andis Salla, në një konferencë për shtyp u shpreh se do të nisë kompensimi i fermerëve për dëmet e shkaktuara nga përmbytjet.

Ministri Salla bëri me dije se Ministria e Bujqësisë dhe ajo e Financave janë duke punuar për një skemë sigurimi të bujqësisë sipas modelit turk.

“Siç ju e keni parë, ne kemi qenë në terren bashkë me emergjencat civile, Ministrinë e Bujqësisë, por edhe bashkitë e vendit, për të verifikuar dhe të pasur në kohë reale edhe mbështetjen ndaj atyre fermerëve që janë prekur kryesisht në territor, qoftë te blegtoria që ne e kemi çuar një paketë mbështetjeje për ushqimin e kafshëve, por edhe familjeve që u prekën nga përmbytjet që kanë kaluar në mbështetjen e menjëhershme nga institucionet, si bashkia, apo edhe AKMC-ja. Kemi bërë një grup të përbashkët midis Ministrisë së Bujqësisë dhe Ministrisë së Mbrojtjes dhe shumë shpejt do të kalojmë në mbështetjen e tyre. Çdokush do të mbështetet si masë e procedurave që ne do të vendosim. Shumë shpejt do të dalim me një raport të përbashkët. Jemi duke punuar edhe me Ministrinë e Financave për sigurimin e bujqësisë, sigurimin e fermave, sigurimin e të gjitha bizneseve të procesit të bujqësisë që ta kalojmë në një hap tjetër që nesër ne të mos kemi problematika të kësaj natyre. Jemi duke marrë modelin turk si shembull”, tha Salla.

Më tej shtoi se brenda pak ditësh do të fillojë nga ndërtimi i 7 laboratorëve.

“Jemi duke bërë dhe formatimin e pjesës së stafit të AKU-së dhe sektorëve të tjerë, në mënyrë që ne të përafrojmë të gjitha strukturat me qasjen që ne do të kemi në raport me sigurinë ushqimore. Brenda pak ditësh ne fillojmë edhe nga ndërtimi i laboratorëve”, tha Salla.

Po ashtu theksoi se do të dyfishojë mbështetjen për bletarinë dhe se qëlllimi është që të arrihet nga 600 mijë në 1 milion koshere./ CNA





Lajmet e fundit nga