web counter
LEXO PA REKLAMA!

SHKARKO APP

App Store
Google Play

E fundit!

x

"E keqja e ka një emër"/ Sot në orën 18:00 protesta e opozitës, 1 mijë efektivë në terren

7 Tetor 2024, 08:34, Aktualitet CNA

"E keqja e ka një emër"/ Sot në orën 18:00

Sot në orën 18:00 mblidhet protesta kombëtare e opozitës, e cila është paralajmëruar se fillimisht qytetarët që do të vijnë nga gjithë Shqipëria do të mblidhen në qendër të Tiranës përballë Kryeministrisë dhe më pas do të shpërndahen në lokacione të ndryshme të kryeqytetit.

Do të jenë të paktën 5 nyje kyçe të Tiranës, ku protestuesit do të tentojnë që t’i bllokojnë. Policia ditën e djeshme publikoi planin e masave që do të kufizojë qarkullimin e mjeteve dhe këmbësorëve deri në përfundim të tubimit.

1 mijë efektivë që do të angazhohen në terren, duke nisur nga Policia e Rendit, FNSH dhe RENEA, shtuar këtyre edhe efektivë civilë që do të jenë në çdo vatër proteste.

Sipas njoftimit të policisë do të kufizohet lëvizja në disa akse rrugore duke nisur nga "Dëshmorët e Kombit" nga kryqëzimi i Ministrisë së Brendshme deri te sheshi "Nënë Tereza" dhe në rrugët "Ukraina e Lirë", "Papa Gjon Pali II" dhe "Ismail Qemali".

Demokratët këtë herë kanë bërë me dije se do të jetë një protestë ndryshe nga hera e kaluar.

Kujtojmë se opozita ka thirrur protestë kombëtare, si reagim pas dënimit të ish-deputetit Ervin Salianji me 1 vit burg.

Mësohet se protesta nuk do të ketë fjalime politike, teksa kryedemokrati Berisha në një videomesazh ditën e djeshme e cilësoi protestën si fillimin e mosbindjes civile.

PD kërkon krijimin e një qeverie teknike që do ta çojë vendin drejt zgjedhjeve të vitit të ardhshëm./CNA

 





Lajmet e fundit nga