web counter
LEXO PA REKLAMA!

SHKARKO APP

App Store
Google Play

Dumani, takime në DASH/ Gjikondi: Fat i madh që është në krye të SPAK-ut, vizita përgjigje për të gjithë

3 Shtator 2025, 15:01, Aktualitet CNA

Dumani, takime në DASH/ Gjikondi: Fat i madh që është

Juristja Brisida Gjikondi, në një intervistë të dhënë për një nga mediat e pushtetit, ka analizuar vizitën e kreut të SPAK-ut, Altin Dumani, në SHBA dhe takimet e tij me zyrtarë të lartë të DASH-it.

Gjikondi, në analizën e saj, tha se Dumani në krye të SPAK-ut është një fat i madh dhe se vizita në DASH është konfirmin i mbështetjes ndaj punës së kësaj strukture dhe një përgjigje për të gjithë ata që e sulmojnë.

Për Gjikondin SPAK-u dhe Dumani janë pararendës të frymëmarrjes së drejtësisë.

Juristja tha se për herë të parë është goditur kupola e krimit të organizuar dhe politikës, e cila përmes segmenteve mediatike ka goditur SPAK-un.

Brisida Gjikondi komentoi edhe deklaratat e Berishës, ku tha se në daljet e tij shigjeton Dumanin për interesa personale.

 

“Ishte një konfirmim i mbështetjes. SPAK ecën me këmbët e tij. Dumani në krye të SPAK-ut ka qenë një fat i madh. Është hera e parë që goditet kupola e krimit të organizuar dhe kupola e politikës. Politika shqiptare e kriminalizuar shpesh është fshehur pas mediave dhe segmenteve të caktuara dhe ka bërë që SPAK-u të ishte në goditje nga politika shqiptare. Vajtja dje e Dumanit në DASH ka qenë një përgjigje për të gjithë. Sërish Berisha ka hedhur akuza ndaj Dumanit. Ai çdo gjë e lidh me interesat e tij personale dhe ka treguar që udhëhiqet nga instinkte vëllavrasëse. SPAK-un do ta veçoja nga institucionet e tjera. Ka qenë pararendësja e gjithë frymëmarrjes së drejtësisë”, tha Gjikondi./CNA

 

 

 

 

 

 

 

 

 

 





Lajmet e fundit nga