web counter
LEXO PA REKLAMA!

SHKARKO APP

App Store
Google Play

E fundit!

x

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

14 Korrik 2026, 16:01, Aktualitet CNA

Deklarata skandaloze e ministres serbe/ PD: Të shpallet "non

Partia Demokratike ka reaguar lidhur me deklaratën e ministres serbe, Snezhana Paunoviç, për spastrimin etnik në Kosovë.

PD ka dënuar deklaratën e cilësuar si raciste dhe antishqiptare, ndërsa shprehen se bie ndesh me parimet themelore të Deklaratës Universale të të Drejtave të Njeriut.

Gjithashtu, PD kërkon shpalljen "non grata" në Shqipëri të ministres Paunoviç dhe paditjen për nxitje të gjenocidit.

Deklarata e plotë:

Këto ditë, në media ka qarkulluar një deklaratë ultraraciste dhe antishqiptare e ministres serbe të Administratës Publike dhe Vetëqeverisjes Lokale, Snezhana Paunoviç, në qeverinë e padronit të Edi Ramës, Aleksander Vuçiçit.

Në këtë deklaratë, ajo shprehet: "Po të isha në vend të Sllobodan Millosheviçit në vitin 1998, do ta kisha spastruar etnikisht Kosovën."

Me këtë deklaratë, kjo figurë e ultranacionalizmit serb shpreh keqardhje që xhelati i Ballkanit, Sllobodan Millosheviçi, me operacionin e tij "Patkoi" dhe me gjenocidin e fundit serb ndaj shqiptarëve, nuk arriti t'i dëbonte ata nga trojet e tyre mijëravjeçare.

Partia Demokratike e dënon me forcë deklaratën raciste dhe antishqiptare të kësaj përfaqësueseje të ultranacionalizmit primitiv serb, si edhe qëndrimin e Edi Ramës dhe të narkoqeverisë së tij përballë deklaratave të tilla çnjerëzore dhe nxitëse të urrejtjes, të cilat bien ndesh me parimet themelore të Deklaratës Universale të të Drejtave të Njeriut.

Shpallja e saj non grata dhe paditja për nxitje të gjenocidit janë të vetmet qëndrime që ajo meriton. /CNA





Lajmet e fundit nga