web counter
LEXO PA REKLAMA!

SHKARKO APP

App Store
Google Play

“Betejë e re kundër qeverisë”/ Berisha: Jemi para dy alternativash, ne nuk tërhiqemi!

19 Tetor 2023, 21:40, Aktualitet CNA
“Betejë e re kundër qeverisë”/ Berisha: Jemi para dy
Ish-kryeministri Sali Berisha

Ish-kryeministri Sali Berisha thotë se sot jemi në kushte që nuk kemi qenë kurrë në Parlament, ku çdo e drejtë kushtetuese i mohohet dhe zëvendësohet opozita e vërtetë me peng-opozitën.

Ai thotë se beteja e re kundër qeverisë ka nisur dhe mjetet që do të përdoren janë ato që ka përdorur çdo lëvizje popullore për realizimin e objektivave.

“Mjetet që do të përdorim janë ato që ka përdorur çdo lëvizje popullore për realizimin e objektivave. Kemi konsumuar deri sot me durim të tejskajshëm mundësitë e tjera, derisa jemi gjetur de facto të përjashtuar nga Parlamenti. Të zhveshur nga çdo lloj funksioni kushtetues si deputetë, në këtë mënyrë Rama pasi grabiti qindra mijëra vota me mekanizmat e njohura, tani kërkon që dhe ata që nuk grabiti dot dhe që votuan për opozitën, t’i sekuestrojë. Sot jemi në kushte që nuk kemi qenë kurrë në Parlament, ku çdo e drejtë kushtetuese i mohohet dhe zëvendësohet opozita e vërtetë me peng-opozitën. Ne kemi dorëzuar ligje dhe rezoluta që Rama i arkivon në sirtarët e Nikollës, që nuk mund të ndodhë kurrë.", u shpreh ai.

Ai solli në vëmendje dhe mospranimin e ngritjes së Komisioneve Hetimore të propozuara nga opozita.

“Kemi kërkuar 6 komisione Parlamentare, që është taksativ nga Kushtetuta, dhe këta e kanë kundërshtuar me qëllimin e vetëm, sepse Rama nuk mund të pranojë të hetohet afera McGonigal. Sepse ai me McGonigal dhe Agron Nezën kanë vepruar si grup kriminal. Nuk kanë dhënë asnjë argument për rrëzimin e kërkesave tona për ngritjen e Komisioneve. Shkeljet e panumërta të ligjit të konfliktit të interesit janë te Rama dhe familja e tij, ai sot nuk duhet të kishte imunitetin e deputetit. Dhe ai nuk e lejon këtë, nuk lejon hetimin e aferave sepse është pas tyre”, tha Berisha për News 24./ CNA





Lajmet e fundit nga