web counter
LEXO PA REKLAMA!

SHKARKO APP

App Store
Google Play

Berisha-Bardhi-Basha/ Mediu: Jam përpjekur ta mbaj gjuhën brenda dhëmbëve

19 Shtator 2023, 18:24, Aktualitet CNA

Berisha-Bardhi-Basha/ Mediu: Jam përpjekur ta mbaj gjuhën brenda

Kryetari i Partisë Republikane, Fatmir Mediu  ka kritikuar gjuhën e përdorur nga Bardhi dhe Berisha duke i cilësuar ato si të papranueshme.

Mediu në një intervistë tha se kur e la mandatin e deputetit e ka lënë vetëm që të ,mos dukej si tradhëtar dhe për këtë kishte komunikuar në atë kohë dhe me Bashën.

Mirëpo sipas tij gishti nuk mund të drejtohet vetëm tek Basha.

Sa i përket gjuhes së përdorur në parlament ai u shpreh se është "përpjekur ta mbaj gjuhën brenda dhëmbëve sa i përket etikës".

“Në pozicionin tim politik jam përpjekur ta mbaj gjuhën brenda dhëmbëve sa i përket etikës. Ky ka qenë standardi im. Parlamenti është kthyer në një gjë të pavlerë edhe për shkak të gjuhën së përdorur. Debatet mes Bardhit dhe Berishës kanë qenë të papranueshme. Raporti personal ka më pak vlerë në politikë në raport me atë që të ka besuar.  Unë kam qenë ndoshta nga të vetmit që kam bërë debat të fortë me Bashën sa i përket djegies së mandateve. E kam refuzuar por e lashë mandatin vetëm që të mos dukesha si tradhtar.  Unë nuk mund ta drejtoj gishtin vetëm te Basha. Ai ka pasur përgjegjësinë më të madhe por se ishte kryetar, por edhe rrethi opozitar ka shkuar pas Bashës. Ne duhet të kemi një republikë kushtetuese parlamentare një shtet të së drejtës.”

Ai mendon se pavarësisht mosdakordësive të deritanishme, Basha duhej të ishte bërë pjesë e mbledhjes së thirrur nga Bardhi.

“Basha ka bërë gabim që nuk erdhi në tryezën e thirrur nga Bardhi. Ideja është që të uleshim bashkë duhej të uleshim me njëri-tjetrin”, tha ai./ CNA





Lajmet e fundit nga