web counter
LEXO PA REKLAMA!

SHKARKO APP

App Store
Google Play

E fundit!

x

Beqaj ofron 50 milionë lekë/ Kërkon lirimin nga burgu

6 Korrik 2024, 15:26, Aktualitet CNA
Beqaj ofron 50 milionë lekë/ Kërkon lirimin nga burgu
Ish-ministri i Shëndetësisë, Ilir Beqaj. Burimi, LSA

Pasditen e kësaj të shtune është ndërprerë për 30 minuta seanca ndaj ish-ministrit të Shëndetësisë, Ilir Beqaj dhe bashkëpunëtorëve të tij.

Ish-ministri i Shëndetësisë ka mohuar akuzat për abuzimet me fondet e BE-së gjatë kohës që drejtonte Agjencinë Shtetërore të Programimit Strategjik dhe Koordinimit të Ndihmës (SASPAC).

Ai ka pretenduar se nuk ka lëshuar asnjë faturë fiktive.

Beqaj ka kërkuar nga GJKKO-ja që të lirohet me një garanci pasurore prej 50 milionë lekësh të vjetra. Trupa gjykuese ende nuk është shprehur për këtë kërkesë.

Në seancë ka qenë i pranishëm edhe kreu i Prokurorisë së Posaçme, Altin Dumani.

Pas mbrojtjes së tij, do të bëhet mbrojtja e të akuzarve të tjerë si bashkëpunëtorë të Beqajt.

Kujtojmë se të enjten, Gjykata e Posaçme, me kërkesë të SPAK-ut lëshoi 7 masa sigurie, 3 "arrest me burg", 2 "arrest shtëpie" dhe 2 "detyrim paraqitje", si dhe kontrolle në banesa apo objekte, pas hetimeve për abuzimet me fondet e BE-së. 

Ish-ministri i Shëndetësisë, Ilir Beqaj është një nga personat e arrestuar. Bashkë me të kanë rënë në prangat e policisë Alfred Nikolla dhe Ermal Kurtulaj. 

Në arrest shtëpie janë lënë Gazmend Haxhia dhe Elton Marini, ndërsa janë kontrolluar banesat për dy persona të tjerë, Bledar Leka dhe Bjona Zijaj. 

Urdhër-arrestet janë firmosur nga prokurorja Elida Kaçkini, ndërkohë që vendimi për ekzekutimin e tyre është marrë nga gjyqtarja Rudina Palloi./ CNA





Lajmet e fundit nga