web counter
LEXO PA REKLAMA!

SHKARKO APP

App Store
Google Play

“Arben Rakipët” e sezonit të ri

14 Maj 2024, 10:56, Aktualitet CNA
“Arben Rakipët” e sezonit të ri
Shkolla e Magjistraturës

Më 8 maj 2024, Shkolla e Magjistraturës kreu procesin e çsekretimit dhe nxori “live” rezultatet e provimit të fazës së dytë për kandidatët fitues, të cilët do të jenë gjyqtarët, prokurorët dhe ndihmësit ligjorë të ardhshëm të pas viteve 2027.

45 konkurrentët e parë në renditje, nga 129 fituesit e “scantronit” të fazës së parë, ku 42 ishin shtesa, (ndër ta 10 supershtesat e futura pas orës 00:00 të natës), do të fillojnë kursin 3-vjeçar për profilin e gjyqtarit dhe prokurorit, ndërsa 15 konkurrentët e renditur pas tyre do të jenë ndihmësit ligjorë. 

Testimi i tretë i konkurrentëve fitues, për komponentin e shëndetit mendor dhe psikologjik të tyre, bëhet para një komisioni, që çdo vit i nxjerr të gjithë 100% të aftë mendërisht për të dhënë drejtësi. Në Britani, sipas një statistike, 5% e të testuarve bien në këtë lloj testi që për gjyqtarët në detyrë përsëritet çdo 7 vjet. Në Shqipëri, magjistratja ekselente, Arnisa Këlliçi, e cila nuk kishte shumë vite që ishte testuar psikologjikisht në fazën e tretë, para dy muajsh shokoi opinionin publik me fantazinë e saj të sëmurë, kur sajoi një histori rozë me përgjime e arrestime imagjinare.

Karakteristikë e provimit të këtij sezoni nuk ishte vetëm pajisja scantron me defekt. Në 10 vitet e kaluara nuk dihet sa konkurrentëve ky aparat “magjik” mund t’ua ketë “ngrënë” karrierën për vetëm 4 pikë.

“Arben Rakipët” e sezonit të ri
Shkolla e Magjistraturës

Por edhe këtë vit u konstatua fenomeni i përsëritur vazhdimisht këto vitet e fundit ku shumica e fituesve janë punonjës të administrates publike. Më tepër se gjysma e gjyqtarëve dhe prokurorëve të kursit 2024-2027 do të jenë prurje direkt të pushtetit të administratës ose lidhjeve të dukshme me sistemin e drejtësisë.

Ndaj, duke parë listën e fituesve, nuk mund të mos pyesim me shumë kureshtje: Ku e gjetën kohën të mësojnë këta zyrtarë publikë?

Ose ata kanë biblioteka në vendet ku punojnë, ose nuk kanë punuar asnjë ditë në vendet ku militojnë, ose një mundësi e tretë, mbetet vetëm “merita”. Se e partisë, se e ndonjë prej këtyre fituesve, kjo do të mbetet mister deri në vitet 2030, kur të shohim si do të performojnë në detyrë.

“Arben Rakipët” e sezonit të ri
Arben Rakipi, kreu i shkollës së Magjistraturës

Nga lista e 10 të shtuarve pas “rinumërimit”, kanë fituar gjysma e tyre. Për gjyqtar Bani Jazxhi, për prokuror Evandro Janka dhe Sonila Morina, për ndihmës ligjor Ervis Bajramaj.

Nga 45 fituesit për gjyqtarë dhe prokurorë, sipas renditjes, 24 prej tyre janë këta:

Gjergj Mati - Drejtoria e Përgjitshme e Burgjeve

Hygerta Hysaj - Drejtoria e Tatimeve Tiranë

Ilberjan Durmishi - Ministria e Drejtësisë

Esmir Hoxha - Oficer policie

Ernaldo Abazi - Ministria e Drejtësisë

Bani Jazxhi - ASHK Korçë

Kejti Hoxha - Ministria e Drejtësisë

Suela Devolli - Ministria e Brendshme

 Ergys Ballaj - Zyra e deputetit Vullnet Sinaj “Në ndihmë të qytetarëve”

 Viviana Cupi - Vajza e Artan Cupit, Kryetar i Gjykatës Mat

 Helga Baruti - Ministria e Drejtësisë

 Sonila Morina - Drejtoria e Përgjithshme e Tatimeve

 Kleada Mersinllari - AMP, Policia e Shtetit

 Anxhela Lalaj - Zyra e Lirime Çukaj, Shefe Departamenti, Fakulteti Juridik Publik

 Flavjo Xhuveli - Drejtor juridik, KLSH

 Ornela Cini - Albpetrol

 Megi Bejtja - Këshilltare në Kuvend

 Malbora Tusha - Zyra Arsimore Dibër

 Marinel Bregu - Drejtoria e Policisë Korçë

 Ava Gjata - ISHPSHSH Drejtoria e Përgjithshme

 Hyri Ramaj - Ministria e Drejtësisë

 Adriana Kalemaj - Ministria e Drejtësisë

 Aleksander Dino - Kancelar, ish-Gjykata Administrative Korçë

 Arbër Myftari - Ndihmësinspektor ILD

“Arben Rakipët” e sezonit të ri
Shkolla e Magjistraturës

Në sezonin e kaluar, kuotat e përcaktuara për kandidatë gjyqtarë e prokurorë ishin 80. Arritën të fitonin duke plotësuar vetëm 63 prej kuotave për shkak të nivelit të ulët të pjesëmarrësve konkurrentë.  Sivjet që kishte vetëm 45 kuota, Shkolla e Magjistraturës prezantoi me krenari se u arritën rezultate shumë të larta.

Po përse erdhi kjo nga vjet sivjet, kur shumë konkurrentë ishin të njëjtët?

Sekreti është “Përmirësimi i metodologjisë së hartimit të tezës së provimit në funksion të vlerësimit të aftësive argumentuese dhe analitike të kandidatëve”. Më shkoqur, “Arben Rakipët” menduan të lehtësojnë tezat e provimit që të mos dështojnë provimin e sivjetshëm. E megjithatë, përsëri dështimi u prezantua qartë me tri korrigjime scantron.

Gjithsesi, e vërteta e madhe do të prezantohet në 2030, kur produktet e “Arben Rakipëve” do të jenë sistemuar në Shqipëri për të dhënë drejtësi./ CNA





Lajmet e fundit nga