E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Alfred Balla, me "gisht në gojë"/ Përjashtohet nga takimi me Blinken-in

16 Shkurt 2024, 14:09, Aktualitet CNA

Alfred Balla

Sekretari amerikan i Shtetit, Antony Blinken, zhvilloi dje një takim në Tiranë, takim ky i shumëdiskutuar, pasi për herë të parë një Sekretar Shteti do të takonte kryetarin e një strukture speciale, i cili ishte Altin Dumani i SPAK-ut, por qartazi u duk se u zgjodh një formë tjetër për të përçuar mesazhin për mbështetjen e institucioneve të drejtësisë dhe në veçanti kreut të SPAK-ut.

Mesazhi i fortë i ambasadës së SHBA-së për drejtësinë: Momenti të tregoni guxim
16 Shkurt, 10:33

Në foton e publikuar nga Antony Blinken dhe ambasada amerikane duket Altin Dumani në krah të djathtë të Sekretarit amerikan të Shtetit, pas tij kreu i ILD-së, Artur Metani, ish-zyrtari në Kryeministri i Edi Ramës, në krah të majtë të tij Olta Zaçaj, kryetarja e Gjykatës Kushtetuese dhe shamikuqi i gjykatës të Lartë, Sokol Sadushi.

Antony Blinken dhe krerët e sistemit të drejtësisë

Ajo që bie në sy në këtë takim është se mungon kreu i KLP-së, Alfred Balla.

Alfred Balla

Një individ, një ish-zyrtar i Partisë Socialiste gjatë qeverisjes së Fatos Nanos si inspektor, më pas këshilltar ligjor në Gjykatën e Lartë, i cili pa kryer Vetting vendoset në krye të KLP-së, përflitet fort si zyrtar për të shkuar si ministër Drejtësie, për të zhvilluar një betejë kundër SPAK-ut dhe në fund Antony Blinken e përjashton nga takimi dhe ceremonia formale që mban me njerëzit e Reformës në Drejtësi. (lexo këtu)

Alfred Balla, “misionari” i radhës i pushtetit kundër SPAK-ut
28 Janar, 13:27

Kuptohet fotoja e gjendur për të justifikuar një protokoll, por edhe në këtë foto, formale, ku në krah të djathtë është Altin Dumani, përjashtohet kreu i KLP-së, Alfred Balla, i cili ndoshta nga SHBA-ja nuk quhet si një rezultat i Reformës në Drejtësi, po si rezultat i kapjes së një institucioni të drejtësisë, i cili duhet të ishte i pavarur, nga një individ që nuk ka bërë Vetting-un dhe nga një njeri që bashkë me 99-çat dhe çetën tjetër të Rilindjes tentuan të hapnin një luftë ndaj SPAK-ut për të sulmuar këtë institucion.