web counter
LEXO PA REKLAMA!

SHKARKO APP

App Store
Google Play

Negociatat me BE-në/ Rama: Nuk ka asnjë bllokim të procesit, kush e thotë këtë nuk e di çfarë flet

7 Prill 2026, 13:07, Aktualitet CNA

Kryeministri Edi Rama ka marrë pjesë në prezantimin e portalit për punësimin në sektorin publik. Gjatë fjalës së tij, Rama u shpreh se ky portal është një pasqyrë ku ekspozohen të gjitha mundësitë e punësimit.

Ndër të tjera, ai foli edhe lidhur me adminstratën publike ku tha se në procesin e negociatave me BE-në e kanë përfaqësuar vendin në mënyrë dinjitoze.

Ndërkohë theksoi se nuk ka asnjë bllokim apo pengim të negociatave të Shqipërisë me Bashkimin Europian.

“I krijohet mundësia në kohë reale kujtdo që do të kontribuojë në sektorin publik jo vetëm të ketë një pasqyrë të vendeve të lira, por dhe të ndjekë se si shkon një proces i caktuar ku është vetë i interesuar. Krijon një ndërveprim mes individit dhe shtetit.

Administrata publike ka provuar të kundërtën e shumë paragjykimeve që kanë rënduar mbi të. Paragjykimet kanë marrë shkas nga veprime dhe akte që ndonjëherë janë ekspozuar edhe publikisht. Qindra e qindra punonjës të kësaj administrate të angazhuar në këtë proces të ndërlikuar që prek gjithë sektorët, e kanë përfaqësuar shtetin me shumë dinjitet dhe kanë fituar respektin e palës tjetër. Kur kjo palë arrin të shprehë vlerësime kemi arsye të jemi besimplotë se kemi mundësi të ndërtojmë një administratë publike dinjitoze për standardet europiane.

Falë kësaj administrate edhe shumë gjëra tjera reflektohen pozitivisht. Falë kësaj administratë procesi i negociatave ecën përpara me sukses dhe shpejtësi unike. Vendi po zhvillohet dhe rritet në çdo aspekt falë kësaj administrate, pavarësisht problematikave. Sot jemi në kushtet ku kemi hapur gjithë kapitujt. Po diskutojmë me KE-në në krah për piketat e ndërmjetme, të cilat janë shumë të rëndësishme.

Flitet se negoictatat janë bllokuar, kjo është totalisht e pavërtetë, kush e thotë nuk e ka idenë se ça po flet. Negociatat janë proces testimi dhe provimi të vazhdueshëm. Nuk ka asnjë motiv për të folur për bllokim apo pengim. Jemi sipas agjendës së përcaktuar. Prilli është muaji i diskutimeve intensive, sepse në fund të marsit janë mbledhur pyetjet e vendeve anëtare. Pas diskutimeve do të vijë edhe vendimmarrja”, u shpreh Rama. /CNA





Lajmet e fundit nga