Protesta në Shkup/ Ndregjoni: Studentët shqiptarë duhet të flasin gjuhën amtare

7 Prill 2026, 11:04, Aktualitet CNA

Protesta në Shkup/ Ndregjoni: Studentët shqiptarë duhet të

Presidenti i Unionit Mbarëkombëtar të Integrimit të të Burgosurve dhe të Përndjekurve Politikë të Shqipërisë, Besim Ndregjoni, ka ndarë një thirrje mbi protestën e studentëve shqiptarë në Shkup, që kërkojnë të flasin gjuhën amtare në institucionet e shtetit multietnik të Maqedonisë së Veriut.

Ndregjoni thekson se e drejta e përdorimit të gjuhës amtare është një e drejtë që buron nga Kushtetuta e vendit.

Sipas Ndregjonit, qëndrimi i shtetit maqedonas është i papranueshëm, prandaj edhe fton shqiptarët në RMV që të solidarizohen me rastin.

“Pushteti del mbi Kushtetutën dhe nuk u lejon që të flasin shqip. Ata janë banorë me mijëra vjet në tokën e tyre, në vendin e tyre, për mbrojtjen e vendlindjes së tyre kanë sakrifikuar me mijëra vjet. Ata janë krenarë që në vendlindjen e tyre në Manastir është njësuar gjuha shqipe! Është përcaktuar për gjithë shqiptarinë e folura shqip! Në tokën e tyre: Mblidheshin dijetarët shqiptarë, për të përcaktuar alfabetin e gjuhës shqipe. Ishte kurorëzim fatlum i një morie përpjekjesh shumëvjeçare për të hartuar alfabetin e përbashkët, duke u nisur nga alfabetet e pushtuesve të ndryshëm, që shkelën trojet shqiptare, ai latin, grek, turko-arab dhe alfabete të veçanta origjinale. Deri tek arritja e parë e madhe: Alfabeti i Stambollit, me të cilin u shkruan dhe u shtypën veprat e para të Rilindjes Kombëtare. Në një shtet multietnik nacionalizmi i nje etniciteti kundër etniciteti tjetër është i papranushëm!

Konventat e të Drejtave dhe lirive të njeriut e përcakton drejtë dhe qartë, të drejtat që kërkojnë studentët shqiptarë në Shkup, një ndër qytetet shqiptare që ka mbajtur gjallë frymën e kombëtarizmit. Gjuhën shqipe nuk mundi ta asimilojë, as pushtuesi bizantin, as pushtuesi romak, as pushtuesi turk, as grek, as dhe sllavo-maqedonasit!

Ne u bëjmë thirrje të gjithë shqiptarve kudo që jetojnë e banojnë, të solidarizohen me studentët e Shkupit me moton:

Kontributi yt, për një Mision të Madh!

Ëndrra ime flet shqip!

Mos më ndalo!”,-thekson Ndregjoni./CNA