web counter
LEXO PA REKLAMA!

SHKARKO APP

App Store
Google Play

A do të rinovohet marrëveshja me Italinë për emigrantët?/ Përgjigjet Hoxha

12 Maj 2026, 14:44, Aktualitet CNA
A do të rinovohet marrëveshja me Italinë për
Ministri i Jashtëm Ferit Hoxha

Ministri i Jashtëm, Ferit Hoxha, i është përgjigjur pyetjes së një gazetari në Bruksel nëse do të rinovohet marrëveshja e Italisë me Shqipërinë për emigrantët.

Hoxha është shprehur i pasigurt për këtë duke supozuar se deri atëherë Shqipëria do të jetë një shtet anëtar i Bashkimit Europian dhe situata, për rrjedhojë, do të jetë ndryshe.

Ministri theksoi se, kjo deklaratë nuk duhet në asnjë mënyrë të interpretohet si një ndryshim i qëndrimit të Shqipërisë në lidhje me protokollin.

“Një gazetar në Bruksel më pyeti nëse protokolli ndërmjet Shqipërisë dhe Italisë do të rinovohej pas përfundimit të periudhës fillestare pesëvjeçare.

Unë iu përgjigja duke thënë: “Nuk jam i sigurt, duke supozuar se deri atëherë Shqipëria do të jetë një shtet anëtar i Bashkimit Evropian dhe situata, për rrjedhojë, do të jetë ndryshe.”

Ka qenë kaq e thjeshtë. Nuk bëhet fjalë për një vendim, por thjesht për një reflektim të çastit, të shprehur me sinqeritet dhe spontanitet.

Kjo deklaratë nuk duhet në asnjë mënyrë të interpretohet si një ndryshim i qëndrimit të Shqipërisë në lidhje me protokollin.

Fatkeqësisht, në botën e sotme, zhurma shpesh përhapet më shpejt sesa argumenti, logjika dhe konteksti.

Shprehje të shkëputura nga konteksti shndërrohen shumë shpesh në narrativa që nuk pasqyrojnë as thelbin e diskutimit dhe as qëndrimin real të qeverive”, shkruan Hoxha./ CNA





Lajmet e fundit nga