web counter
LEXO PA REKLAMA!

SHKARKO APP

App Store
Google Play

Bozdo kritikon raportin e qeverisë për integrimin: Reforma vetëm në letër, jo në realitet

12 Maj 2026, 12:01, Aktualitet CNA

Bozdo kritikon raportin e qeverisë për integrimin: Reforma vetëm

Nënkryetari i Komisionit të Ekonomisë, Enno Bozdo, ka kritikuar raportin e qeverisë mbi procesin e integrimit europian, duke deklaruar se Bashkimi Europian nuk nënkupton vetëm reforma në letër, por përmirësim real të jetesës së qytetarëve.

Gjatë diskutimeve në Komision, Bozdo tha se procesi legjislativ në vend ka probleme serioze dhe se ligjet shpesh miratohen pa debat të mjaftueshëm, duke mos përmbushur standardet e kërkuara nga BE-ja.

“Raporti prezanton vetëm reforma në letër. BE kërkon cilësi në procesin legjislativ. Ky standard ka çeduar dhe procesi legjislativ ka kaluar pa mundësi për diskutime,” u shpreh ai, duke shtuar se disa ligje, si ai për Portet dhe një tjetër i referuar si “Durana”, bien në kundërshtim me direktivat e Bashkimit Europian.

Bozdo ngriti gjithashtu shqetësime për gjendjen e industrisë në vend, duke theksuar se ajo përbën vetëm rreth 7% të PBB-së, ndërsa mesatarja e rajonit është 10%. Sipas tij, sektori industrial mbetet ndër më të goditurit nga politikat aktuale.

Ai paralajmëroi edhe për probleme në sektorin e energjisë, duke përmendur rrezikun e përjashtimit nga Sekretariati i Komunitetit të Energjisë në Vjenë për shkak të mungesës së reformave.

Sipas Bozdos, raporti nuk trajton në mënyrë të plotë problematikat kryesore ekonomike të vendit, duke përfshirë industrinë dhe energjinë./ CNA





Lajmet e fundit nga