1 muaj nga mashtrimi publik i Erion Veliajt dhe Mero Bazes

16 Shtator 2025, 14:09, Aktualitet CNA

Sot është bërë 1 muaj i plotë nga mashtrimi publik i Erion Veliajt dhe Mero Bazes. Erion Veliaj dhe Mero Baze, prej 30 ditësh janë kapur të gjallë në mashtrim.

Kryebashkiaku i arrestuar dhe roja i tij, Mero Baze, kanë akuzuar prokurorin Ols Dado se ka kryer hetime për hakmarrje dhe në konflikt interesi duke e lidhur me një kërkesë për shtesë mbi lejen e ndërtimit, por dokumenti me firmën e prokurorit dhe refuzimi me firmën e Veliajt ende nuk janë bërë publike nga dyshja që është në sulm ndaj drejtësisë.

Sot kanë kaluar 30 ditë nga pretendimet dhe akuzat e pavërtetuara të Mero Bazes dhe Erion Veliajt.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

1 muaj nga mashtrimi publik i Erion Veliajt dhe Mero Bazes

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

1 muaj nga mashtrimi publik i Erion Veliajt dhe Mero Bazes

Pse Erion Veliaj nuk e nxjerr dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Nëse është kështu, pse nuk e vërteton Mero Baze? Ku e ka dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Erion Veliaj dhe Mero Baze vijojnë mashtrimin publik ndaj shqiptarëve, prej një muaji, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e vetme mediatike të tij./ CNA