web counter
LEXO PA REKLAMA!

SHKARKO APP

App Store
Google Play

Mblidhet Sinodi i Shenjtë i Kishës Ortodokse Autoqefale të Shqipërisë

16 Shtator 2025, 12:10, Aktualitet CNA

Mblidhet Sinodi i Shenjtë i Kishës Ortodokse Autoqefale të

Ditën e sotme është mbledhur Sinodi i Shenjtë i Kishës Ortodokse Autoqefale të Shqipërisë, i cili është i pari nën drejtimin e Fortlumturisë së Tij, Joanit, pas zgjedhjes si Kryepiskop i Tiranës, Durrësit dhe gjithë Shqipërisë.



CNA ka mësuar se Sinodi është mbledhur rreth orës 10:00 të ditës së sotme dhe pritet që të ketë diskutime dhe vendimmarrje për çështje mjaft të rëndësishme, të cilat kanë të bëjnë me zgjedhjen e Mitropolitëve për Gjirokastrën dhe Korçën, gjithashtu dhe për të çuar më tej funksionimin e Kishës Ortodokse Autoqefale të Shqipërisë.

Pritet që mbledhja të zgjasë disa orë dhe më pas Kisha Ortodokse Autoqefale e Shqipërisë të dalë edhe me një njoftim publik në lidhje me vendimet e saj.

Sinodi i Shenjtë pritet që të bëjë zgjedhjen e dy vendeve vakante për dhespotin e Korçës, detyrë të cilën e mbante Fortlumturia e Tij Joani përpara zgjedhjes si Kryepiskop i Tiranës, Durrësit dhe gjithë Shqipërisë dhe Gjirokastrës, pasi ndërroi jetë Hirësia e Tij, Dhimitri.

Sinodi i Shenjtë përbëhet nga:

Kryepiskop Joani si drejtues i Kishës Ortodokse Autoqefale të Shqipërisë,

Hirësi Nikolla, i cili është Mitropoliti i Apolonisë dhe Fierit,

Mitropoliti i Beratit, Vlorës & Kaninës, Hirësia e Tij, Asti,

Mitropoliti i Amantias, Hirësia e Tij, Nathanaili,

Mitropoliti i Elbasanit, Hirësia e Tij, Andoni,

Hirësia i Tij, Anastasi cili është Episkopi i Krujës dhe Protosingjel i Kishës Ortodokse Autoqefale të Shqipërisë./CNA

 

 

 

 

 

 

 

 

 

 





Lajmet e fundit nga