LEXO PA REKLAMA!

SHKARKO APP

Skemë abuzimi me pronat/ Manja kallëzon në SPAK drejtoreshën e Rilindjes

24 Maj 2022, 10:17, Aktualitet CNA
Skemë abuzimi me pronat/ Manja kallëzon në SPAK drejtoreshën

Manja: Tani është radha e SPAK-ut të thellojë hetimet

Ministri i Drejtësisë, Ulsi Manja, sot gjatë një deklarate për mediat ka bërë të ditur se ka kallëzuar në SPAK drejtoreshën e Agjencisë së Trajtimit të Pronave, Jonida Baçi.

Sipas tij, ka dyshime se Jonida Baçi është përfshirë në skema abuzimi.

“Jam këtu për të ndarë me opinionin publik rezultatet e një hetimi disamujor, nga drejtoria antikorrupsion, në agjencinë e trajtimit të pronave. Ka dyshime se njësia antikorrupsion, nëpërmjet hetimeve për disa skema përfitimi abuzimi dhe korrupsioni ku janë përfshirë zyrtarët më të lartë të trajtimit të pronave, kjo është goditja më e rëndësishme dhe hetimi më serioz i zhvilluar nga kjo njësi. Pas një hetimi të gjatë, zyrtarja e agjencisë së pronave rezulton të jetë implikuar në veprimtari abuzive përmes skemave që kanë prodhuar korrupsion thelbësor. Kam firmosur kallëzimin që do t’ia drejtoj SPAK-ut dhe është radha e SPAK-ut të thellojë hetimet”, tha Manja./CNA.al

Lajmet e fundit nga