web counter
LEXO PA REKLAMA!

SHKARKO APP

App Store
Google Play

Vettingu “boshatis” sistemin e drejtësisë/ Çela kërkon rikthimin e modelit të vjetër

16 Maj 2022, 12:21, Aktualitet CNA

Ditën e sotme kryeprokurori Olsian Çela ka folur në lidhje me vakancat e krijuara në sistemin e drejtësisë, për shkak të shkarkimit të shumë gjyqtarëve dhe prokurorëve nga Vettingu.

Sipas tij vakancat e krijuara në sistemin e drejtësisë për shkak të procesit të Vettingut kanë sjellë mungesa në radhët e prokurorëve duke krijuar ngërç në zgjidhjen e çështjeve.

Sipas tij, në sistem aktualisht mungojnë 116 prokurorë.

Duke folur për mediat në fund të raportimit, Çela propozoi rikthimin e modelit të vjetër për futjen e magjistratëve në sistem në vitin e tretë të shkollës.

?Kemi përgatitur disa propozime për raportin e prokurorit të përgjithshëm. Kjo ka të bëjë me rritjen e përgjegjësisë dhe llogaridhënies. Disa problematika janë artikuluar. Një nga ato ka të bëjë me mundësinë e ardhjes më të shpejtë të magjistratëve në sistem në vitin e tretë të shkollës si ka qenë në vitet e mëparshme. Ne do të arrinim më herët t’i plotësonim këto vende?, u shpreh Çela.

Ai gjithashtu kërkoi edhe kufizim të rolit të gjyqtares paraprake e cila sipas tij sot e bën drejtues të hetimit pa marrë në konsideratë një sërë rrethanash në brendësi të të cilave është më tepër vetë prokurori.

?Ajo që unë ngrita është se roli i gjyqtares në seancë paraprake është i rëndësishëm, por ka nevojë për rishikim. Pasi ai nuk është përgjegjës për hetimin siç është prokurori. Roli që ka sot e bën drejtues të hetimit. Urdhëron përgjime apo veprime të tjera pa marrë në konsideratë një sërë rrethanash. Ndërhyrja e tij në hetim ka nevojë të rishikohet.

Harta gjyqësore është një zgjidhje e mirë për momentin. Do të na mundësojë të minimizojmë dëmin që na shkaktohet nga prokurorët që largohen nga vettingu. Kemi bërë një marrëveshje me policinë vitin e kaluar për të përmirësuar mënyrën si trajtohen materialet referuese. Kemi rënë dakord me policinë për t?i trajtuar ato sa më shpejt. Kjo ndihmon qytetarët, policinë dhe prokurorin?, tha ai.





Lajmet e fundit nga